Mańǵystaýda alpys muǵalim jalǵan dıplommen jumys istep kelgen

Foto: ashyq derekkóz

Mańǵystaý oblysynyń bilim basqarmasy tarapynan bilim oshaqtarynda jumys istep júrgen qyzmetkerlerdiń dıplomdaryna monıtorıng jumystaryn júrgizildi. Byltyr jáne bıyl júrgizilgen osy jumystardyń nátıjesinde 60 muǵalimniń jalǵan dıplommen birneshe jyldar boıy jumys istep kelgeni anyqtaldy, dep habarlaıdy qandastar.kz BAQ.KZ-ke silteme jasap.

Oblystyq bilim basqarmasynyń habarlaýynsha, olardyń barlyǵy jumystan bosatylǵan.

Oblystyń pedagogterdiń dıplomdaryn anyqtaý maqsatynda joǵary oqý oryndaryna jáne tehnıkalyq, kásiptik bilim berý uıymdaryna suranys joldandy. Sonymen qatar muǵalimderdiń jumys kezeńińdegi qarajatty memlekettik bıýdjetke keri qaıtarý úshin sot organdaryna shaǵym joldandy. Bul baǵyttaǵy jumystar jalǵasýda, – dep jazylǵan bilim basqarmasy taratqan aqparatta.