جاڭالىقتار
ماڭعىستاۋدا بالىقتار قىرىلىپ جاتىر
فورت-شەۆچەنكو قالاسىندا, كاسپي تەڭىزىنىڭ جاعاسىنان ءولى بالىق تابىلدى. ولگەن بالىقتاردىڭ ۆيدەوسى 7 شىلدە كۇنى الەۋمەتتىك جەلىدە تاراعان, دەپ حابارلايدى Qandastar.kz.
ءوڭىر ەكولوگتارى ماڭعىستاۋ وبلىسىنىڭ بالىق شارۋاشىلىعى باسقارماسىنىڭ ماماندارىمەن بىرگە سۋدان سىناما الدى. زەرتتەۋ قورىتىندىسى قوسىمشا حابارلانادى.
«ماڭعىستاۋ وبلىسى بويىنشا ەكولوگيا دەپارتامەنتى زەرتحانالىق-تالدامالىق باقىلاۋ ءبولىمىنىڭ ماماندارى الەۋمەتتىك جەلىدە تاراعان تۇپقاراعان اۋدانى فورت-شەۆچەنكو قالاسىنىڭ تەڭىز جاعالاۋىندا بالىق ولەكسەلەرىنىڭ تابىلعان بەينە جازبا نەگىزىندە اتالعان ورىننان اعىمداعى جىلدىڭ 7-شىلدە كۇنى ماڭعىستاۋ وبلىسى بالىق شارۋاشىلىعى باسقارماسىمەن بىرلەسە وتىرىپ, تەڭىز سۋىنان سىناما الۋ جۇمىستارىن جۇرگىزدى. سىناما قورىتىندىسى الداعى ۋاقىتتا قوسىمشا حابارلاناتىن بولادى», — دەلىنگەن حابارلامادا.
