ءبىلىم
ماڭعىستاۋدا بۇلدىرشىندەر بالاباقشادا جاپپاي ۋلاندى
فوتو: ايكىن.كز
جاڭاوزەن قالاسى قىزىلساي اۋىلىندا مەكتەپكە دەيىنگى مەكەمەنىڭ تاربيەلەنۋشىلەرى جاپپاي ۋلاندى, دەپ جازادى qandastar.kz
Lاdا.كz باسىلىمىنىڭ مالىمەتىنشە, 100 ءبۇلدىرشىننىڭ كەيبىرەۋى اۋرۋحاناعا جەتكىزىلگەن. بۇل اقپاراتتى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى راستادى. ۆەدومستۆونىڭ مالىمەتىنشە, مەديتسينالىق مەكەمەگە 37 ءوتىنىش كەلىپ تۇسكەن.
«31.01.2025 ج. ساعات 20:13-تە جاڭاوزەن قالاسىنىڭ قىزىلساي اۋىلىنان جەدەل جاردەم قىزمەتىنە ءىشتىڭ اۋرۋىنا شاعىمدانعان تۇرعىنداردان شاقىرۋ ءتۇستى. بارلىعىن جەدەل جاردەم بريگاداسىمەن قاراپ, تەكسەردى. تەكسەرىلگەن 37 ادامنىڭ تورتەۋى (1 ەرەسەك, 3 بالا) اۋرۋحاناعا جاتقىزىلدى. قالعاندارى امبۋلاتورلىق ەم الۋ ءۇشىن ۇيلەرىنە جىبەرىلدى», – دەپ حابارلادى.
قازىرگى ۋاقىتتا بالاباقشا جابىلىپ, قۇزىرلى ورگاندار تەكسەرىس جۇرگىزىپ جاتىر. ماڭعىستاۋ وڭىرىندە بۇعان دەيىن دە وسىعان ۇقساس فاكتى بولعان. مۇنايلى اۋدانى بەسشوقى اۋىلىنداعى №8 مەكتەپتە اسحانا تاماعىنان 460 وقۋشى ۋلانعان ەدى. بىلتىر قىركۇيەك ايىندا ماڭعىستاۋ وبلىسىندا 140-تان استام بالا ۋلانىپ, ەكەۋى جانساقتاۋ بولىمىنە تۇسكەنى ەدى.
