Bilim
Mańǵystaýda búldirshinder balabaqshada jappaı ýlandy
Foto: Aıkyn.kz
Jańaózen qalasy Qyzylsaı aýylynda mektepke deıingi mekemeniń tárbıelenýshileri jappaı ýlandy, dep jazady qandastar.kz
Lada.kz basylymynyń málimetinshe, 100 búldirshinniń keıbireýi aýrýhanaǵa jetkizilgen. Bul aqparatty oblystyq densaýlyq saqtaý basqarmasynyń baspasóz qyzmeti rastady. Vedomstvonyń málimetinshe, medıınalyq mekemege 37 ótinish kelip túsken.
«31.01.2025 j. saǵat 20:13-te Jańaózen qalasynyń Qyzylsaı aýylynan jedel járdem qyzmetine ishtiń aýrýyna shaǵymdanǵan turǵyndardan shaqyrý tústi. Barlyǵyn jedel járdem brıgadasymen qarap, tekserdi. Tekserilgen 37 adamnyń tórteýi (1 eresek, 3 bala) aýrýhanaǵa jatqyzyldy. Qalǵandary ambýlatorlyq em alý úshin úılerine jiberildi», – dep habarlady.
Qazirgi ýaqytta balabaqsha jabylyp, quzyrly organdar tekseris júrgizip jatyr. Mańǵystaý óńirinde buǵan deıin de osyǵan uqsas fakti bolǵan. Munaıly aýdany Besshoqy aýylyndaǵy №8 mektepte ashana tamaǵynan 460 oqýshy ýlanǵan edi. Byltyr qyrkúıek aıynda Mańǵystaý oblysynda 140-tan astam bala ýlanyp, ekeýi jansaqtaý bólimine túskeni edi.
