الەۋمەت جانە قوعام
ماڭعىستاۋدا كەن ورنىنا بارا جاتقان اۆتوبۋس اپاتقا ۇشىرادى
فوتو: اشىق دەرەككوز
قاراجانباس-قاراتۇرىن تاس جولىندا جۇمىسشىلاردى قاراتۇرىن كەن ورنىنا اپارا جاتقان اۆتوبۋس جىلقىنى سوعىپ, اپاتقا ۇشىراعان, دەپ جازدى qandastar.kz
وقيعانىڭ سالدارىنان ءتورت ادام ءتۇرلى دەنە جاراقاتىن الدى. ونىڭ ءبىرىنىڭ ەكى اياعى سىنىپ, اقتاۋ قالاسىنداعى وبلىستىق اۋرۋحاناعا جەتكىزىلدى.
ماڭعىستاۋ وبلىستىق پوليتسيا دەپارتامەنتىنىڭ مالىمەتىنشە, كولىك جۇرگىزۋشىسى جول ەرەجەسىن بۇزىپ, جاۋاپقا تارتىلعان. ساراپتامالار تاعايىندالعان. سونىڭ ناتيجەسىنە قاراي, جۇرگىزۋشىنى قىلمىستىق جاۋاپكەرشىلىككە تارتۋ ماسەلەسى قارالادى.
«قازىر جىلقىنىڭ يەسى ىزدەستىرىلىپ جاتىر. ونىڭ كىم ەكەنى انىقتالعاننان كەيىن اۋىل شارۋاشىلىعى جانۋارلارىن جايۋ قاعيدالارىن بۇزۋ دەرەگى بويىنشا مال يەسى اكىمشىلىك جاۋاپكەرشىلىككە تارتىلادى», – دەلىنگەن حابارلامادا.
