جاڭالىقتار
ماڭعىستاۋدا كوللەدج بۋحگالتەرى 243 ملن تەڭگە جىمقىرعان
وبلىس پروكۋراتۋراسى ماڭعىستاۋ تەحنيكالىق كوللەدجىنىڭ قىزمەتىندە تەكسەرىس جۇرگىزدى, دەپ حابارلايدى Qandastar.kz.
تەكسەرىس ناتيجەسىمەن باس بۋحگالتەرمەن 243 ملن تەڭگە كولەمىندە ءىس-ساپار, شاكىرتاقى جانە سالىق مىندەتتەمەلەرى ءۇشىن كوزدەلگەن قاراجاتتى ءوزىنىڭ جەكە شوتىنا زاڭسىز اۋدارۋ ارقىلى بيۋدجەت قاراجاتىن جىمقىرۋ فاكتىسى انىقتالدى.
«بۇل فاكتى بويىنشا قك-ءنىڭ 189-بابى 4-بولىگى 2-تارماعىمەن قىلمىستىق ءىس قوزعالىپ, سوتقا دەيىنگى تەرگەپ تەكسەرۋ ارنايى پروكۋرورلارمەن جۇرگىزىلدى.
ماڭعىستاۋ اۋداندىق سوتىنىڭ 09.07.2025 جىلعى ۇكىمىمەن كوللەدجدىڭ باس ەسەپشىسى قك-ءنىڭ 189-بابى 4-بولىگىنىڭ 2-تارماعىمەن 5 جىل مەرزىمگە باس بوستاندىعىنان ايىرۋ جازاسى تاعايىندالىپ, 10 جىل مەرزىمگە بۋحگالتەرلىك قىزمەتپەن اينالاسۋ قۇقىعىنان ايىرىلدى», — دەلىنگەن حابارلامادا.
