جاڭالىقتار
ماڭعىستاۋدا تاعى يتبالىق قىرىلىپ جاتىر
فوتو: instagram / azamat_sarsenbayev
ماڭعىستاۋ وبلىسى, تۇپقاراعان اۋدانىنداعى باۋتينو ەلدى مەكەنىندە جاعاعا جۇزدەگەن يتبالىقتىڭ ولەكسەلەرى شىعىپ قالعان. بۇل تۋرالى بلوگەر ازامات سارسەنباەۆ ءوزىنىڭ پاراقشاسىندا مالىمدەدى, دەپ حابارلادى Qandastar.kz.
قىزىل كىتاپقا ەنگەن ولەكسەلەر تەڭىزدەگى قاتتى داۋىلدان جاعاعا شىعارىلعان. قازىرگى ۋاقىتتا عالىمدار تەك 151 يتبالىقتىڭ قاڭقاسىن انىقتادى.
«عالىمداردىڭ ايتۋىنشا, قازىر وسى ايماقتاعى يتبالىقتاردى زەرتتەۋمەن اينالىساتىندار (ولار جانۋارلاردىڭ ولەكسەلەرىن تاپتى) ولگەن يتبالىقتىڭ كوپشىلىگىنىڭ دەنەلەرىندە مەحانيكالىق زاقىم بار ەكەنىن انىقتاعان», – دەدى بلوگەر.
جانۋارلاردىڭ جاپپاي قىرىلۋىنا نە سەبەپ بولعانى ءالى بەلگىسىز. عالىمدار تىرشىلىك يەلەرىنىڭ ناقتى نەدەن ولگەنىن زەرتتەپ جاتىر.
ەستەرىڭىزگە سالا كەتەيىك, 25 قازاندا فورت-شەۆچەنكو قالالىق جاعاجايىندا جەرگىلىكتى تۇرعىندار ءۇش ەرەسەك يتبالىقتىڭ ولەكسەسىن تاپقان بولاتىن. سارسەنباەۆ بۇل جاعداي جىلدا كۇزدە قايتالاناتىنىن اتاپ ءوتتى.
