Mańǵystaýda taǵy ıtbalyq qyrylyp jatyr

Foto: instagram / azamat_sarsenbayev

Mańǵystaý oblysy, Túpqaraǵan aýdanyndaǵy Baýtıno eldi mekeninde jaǵaǵa júzdegen ıtbalyqtyń ólekseleri shyǵyp qalǵan. Bul týraly bloger Azamat Sársenbaev óziniń paraqshasynda málimdedi, dep habarlady Qandastar.kz.

Qyzyl kitapqa engen ólekseler teńizdegi qatty daýyldan jaǵaǵa shyǵarylǵan. Qazirgi ýaqytta ǵalymdar tek 151 ıtbalyqtyń qańqasyn anyqtady. 

«Ǵalymdardyń aıtýynsha, qazir osy aımaqtaǵy ıtbalyqtardy zertteýmen aınalysatyndar (olar janýarlardyń ólekselerin tapty) ólgen ıtbalyqtyń kópshiliginiń denelerinde mehanıkalyq zaqym bar ekenin anyqtaǵan», – dedi bloger.

Janýarlardyń jappaı qyrylýyna ne sebep bolǵany áli belgisiz. Ǵalymdar tirshilik ıeleriniń naqty neden ólgenin zerttep jatyr.

Esterińizge sala keteıik, 25 qazanda Fort-Shevchenko qalalyq jaǵajaıynda jergilikti turǵyndar úsh eresek ıtbalyqtyń óleksesin tapqan bolatyn. Sársenbaev bul jaǵdaı jylda kúzde qaıtalanatynyn atap ótti.