Mańǵystaýda turǵyn úı aýlasynan jańa týǵan náreste tabyldy

Mańǵystaýda jaǵa ustatar jaǵdaı oryn aldy. Mańǵystaý oblysy Munaıly aýdanyna qarasty Besshoqy aýylynda turǵyn úılerdiń biriniń tereze mańynan jańa týǵan náreste tabyldy, dep habarlaıdy qandastar.kz saıty.

Oqıǵa 5 mamyr kúni tańǵy saǵat 09:30 shamasynda bolǵan.

Shaqalaqty birinshi bolyp aýyl turǵyny baıqap, birden shuǵyl qyzmetterge habar bergen.

Bul jaǵdaıdy Mańǵystaý oblystyq polıııa departamenti rastady.

Qazirgi ýaqytta balanyń anasyn anyqtaý jáne onyń qaıda ekenin tabý úshin jedel-izdestirý sharalary júrgizilip jatyr.

«Atalǵan derek boıynsha qylmystyq is qozǵaldy. Náreste perzenthanaǵa jetkizildi, onyń ómiri men densaýlyǵyna qaýip joq», – dep habarlady vedomstvonyń baspasóz qyzmeti.

Polıııa atalǵan oqıǵaǵa qatysty qandaı da bir málimeti bar azamattardy jaqyn mańdaǵy polıııa bólimshesine habarlasýǵa nemese senim telefonyna qońyraý shalýǵa shaqyrady.