جاڭالىقتار
ماڭعىستاۋدا تۇتاس وتباسى ۋلانىپ, قازا تاپتى
فوتو:اكىمدىك
ماڭعىستاۋ وبلىسى مۇنايلى اۋدانى باسقۇدىق اۋىلىنداعى جەكە تۇرعىن ۇيدە تۇتاس ءبىر وتباسى مۇشەلەرى ۋلاندى, – دەپ حابارلايدى qandastar.kz
قۇتقارۋشىلار مەن جەدەل جاردەم بريگادالارى وقيعا ورنىنا جەتكەن كەزدە ۇيدەن جەتى ادامدى تاپتى, ولاردىڭ بەسەۋى كامەلەتكە تولماعان بالالار. بارلىعى وقيعا ورنىندا قايتىس بولدى.
ماڭعىستاۋ وبلىسى تجد-ءنىڭ الدىن الا بولجامى بويىنشا, قايعىلى وقيعا گاز جابدىقتارىن پايدالانۋ ەرەجەسىن بۇزۋ سالدارىنان بولعان. قازا تاپقاندار – قازاقستاندا ۋاقىتشا تۇرىپ جاتقان وزبەكستان ازاماتتارى ەكەنى انىقتالدى.
توتەنشە وقيعانىڭ سەبەبىن انىقتاۋ ءۇشىن ارنايى كوميسسيا قۇرىلدى. ونى ماڭعىستاۋ وبلىسى اكىمىنىڭ ءبىرىنشى ورىنباسارى ەربول ىزبەرگەنوۆ باسقارادى.
قايتىس بولعان وتباسىنىڭ تۋىستارىنا جان-جاقتى كومەك بەرىلەدى, سونىڭ ىشىندە جەرلەۋ ءراسىمىن ۇيىمداستىرۋعا قولداۋ كورسەتىلەدى.
اتالعان وقيعا ماڭعىستاۋ وبلىسى اكىمىنىڭ جەكە باقىلاۋىندا.
