Mańǵystaýda tutas otbasy ýlanyp, qaza tapty

Foto:ákimdik

Mańǵystaý oblysy Munaıly aýdany Basqudyq aýylyndaǵy jeke turǵyn úıde tutas bir otbasy músheleri ýlandy, – dep habarlaıdy qandastar.kz

Qutqarýshylar men jedel járdem brıgadalary oqıǵa ornyna jetken kezde úıden jeti adamdy tapty, olardyń beseýi kámeletke tolmaǵan balalar. Barlyǵy oqıǵa ornynda qaıtys boldy.

Mańǵystaý oblysy TJD-niń aldyn ala boljamy boıynsha, qaıǵyly oqıǵa gaz jabdyqtaryn paıdalaný erejesin buzý saldarynan bolǵan. Qaza tapqandar – Qazaqstanda ýaqytsha turyp jatqan О́zbekstan azamattary ekeni anyqtaldy.

Tótenshe oqıǵanyń sebebin anyqtaý úshin arnaıy komıssııa quryldy. Ony Mańǵystaý oblysy ákiminiń birinshi orynbasary Erbol Izbergenov basqarady.

Qaıtys bolǵan otbasynyń týystaryna jan-jaqty kómek beriledi, sonyń ishinde jerleý rásimin uıymdastyrýǵa qoldaý kórsetiledi.

Atalǵan oqıǵa Mańǵystaý oblysy ákiminiń jeke baqylaýynda.