ماڭعىستاۋدا ۋلانعان وقۋشىلاردىڭ سانى 140-تان استى

فوتو: اشىق دەرەككوز

ماڭعىستاۋ وبلىسىندا ۋلانىپ قالعان وقۋشىلاردىڭ سانى 140-تان استى. بۇل تۋرالى Stan.kz اقپارات اگەنتتىگى حابارلايدى.

جاپپاي ۋلانۋ دەرەگى بەسشوقى اۋىلىندا تىركەلگەن. سوڭعى دەرەكتەرگە سايكەس مەديتسينالىق كومەككە 141 بالا جۇگىنىپتى. ونىڭ ىشىندە 82 وقۋشى ەمحانادا ەم قابىلداپ جاتسا, 43 بالا ۇيدە دارىگەردىڭ باقىلاۋىندا, 16 بالا اۋرۋحاناعا جاتقىزىلعان.

وبلىستىق دەنساۋلىق ساقتاۋ باسقارماسى قاجەتتى ءدارى-دارمەك پەن توسەك-ورىن جابدىقتارى بار ەكەنىن جەتكىزدى. جەدەل جاردەم قىزمەتى كومەك كورسەتۋ ءۇشىن تولىق قۇرامدا جۇمىس ىستەيدى ەكەن.

ەسكە سالايىق, ماڭعىستاۋ وبلىسىندا بەسشوقى اۋىلىنداعى №8 مەكتەپتە وقۋشىلار جاپپاي تاماقتان ۋلانىپ قالعانى تۋرالى حابارلاعان ەدىك. دەرەكتەرگە سۇيەنسەك, مەكتەپ اسحاناسىنا بارعان 1-4 سىنىپ وقۋشىلارى زارداپ شەكتى.