Mańǵystaýda ýlanǵan oqýshylardyń sany 140-tan asty

Foto: ashyq derekkóz

Mańǵystaý oblysynda ýlanyp qalǵan oqýshylardyń sany 140-tan asty. Bul týraly Stan.kz aqparat agenttigi habarlaıdy.

Jappaı ýlaný deregi Besshoqy aýylynda tirkelgen. Sońǵy derekterge sáıkes medıınalyq kómekke 141 bala júginipti. Onyń ishinde 82 oqýshy emhanada em qabyldap jatsa, 43 bala úıde dárigerdiń baqylaýynda, 16 bala aýrýhanaǵa jatqyzylǵan.

Oblystyq densaýlyq saqtaý basqarmasy qajetti dári-dármek pen tósek-oryn jabdyqtary bar ekenin jetkizdi. Jedel járdem qyzmeti kómek kórsetý úshin tolyq quramda jumys isteıdi eken.

Eske salaıyq, Mańǵystaý oblysynda Besshoqy aýylyndaǵy №8 mektepte oqýshylar jappaı tamaqtan ýlanyp qalǵany týraly habarlaǵan edik. Derekterge súıensek, mektep ashanasyna barǵan 1-4 synyp oqýshylary zardap shekti.