Mańǵystaýda jol apatynan 10 adam qaza tapty

Jantúrshigerlik oqıǵa 11 qyrkúıek kúni Mańǵystaý oblysy Qaraqııa aýdany Senek eldi mekeninen 90 shaqyrym qashyqtyqta ornalasqan avtojolda bolǵan, dep habarlaıdy Qandastar.kz

Mańǵystaý oblystyq polıııa departamentiniń habarlaýynsha, aldyn ala málimetter boıynsha, «Toyota Hiace» markaly avtokóliktiń júrgizýshisi rólge ıe bola almaı, saldarynan kólik jol shetine aýdarylyp ketken. Kóliktiń ishinde jolaýshylar bolǵan.

— Jol apatynyń saldarynan 8 adam oqıǵa ornynda kóz jumdy, taǵy eki adam aýrýhanaǵa jetkizý barysynda qaıtys boldy. Júrgizýshi men eki jolaýshy túrli jaraqattarmen aýrýhanaǵa jatqyzyldy, — delingen habarlamada.

Atalǵan derek boıynsha qylmystyq is qozǵalǵan. Qazirgi ýaqytta oqıǵanyń mán-jaıyn anyqtaýǵa baǵyttalǵan sotqa deıingi tergeý amaldary júrgizilip jatyr. Qajetti sot-medıınalyq saraptamalar taǵaıyndalǵan.