جاڭالىقتار
ماڭعىستاۋداعى ساربازدىڭ ءولىمى: ايىپتالۋشى وقتى ابايسىزدا اتقانىن مالىمدەدى
22 جاستاعى زەنيتتىك-ارتيللەريالىق ۆزۆودتىڭ ەكس-كومانديرى دامير دوسوۆ 2024 جىلدىڭ 7 قىركۇيەگىندە كەزەكشىلىككە تۇسكەنىن مالىمدەدى. ول قارۋدى قابىلداپ العاندا مايور باعدات مايليەۆ تاپانشانىڭ وقتاۋلى ەكەنىن ايتپاعان جانە نۇسقاما جۇرگىزبەگەن. دوسوۆ قارۋدى الىپ, ونىڭ بەكىتپەسىن بوساتقانىن ارتىنشا شەرتىپ, وندا وق-ءدارىنىڭ جوقتىعىنا كوز جەتكىزگەندىگىن العا تارتادى.
«مەن كىنامدى مويىندامايمىن, سەبەبى مۇنى ادەيى ىستەگەن جوقپىن. شاتىرعا مىلتىقپەن ماقتانىپ, ونى ارى-بەرى باعىتتاپ كىرگەن بولاتىنمىن, سول ساتتە ابايسىزدا شەرتپەنى باسىپ قالدىم. ءبارى وقىستان بولدى. ءوزىم تۇسىنبەستەن بىرنەشە سەكۋندقا قاتىپ قالدىم. بارقۇلوۆپەن اراز بولماعانبىز. اتا-اناسىنان كەشىرىم سۇرايمىن»,- دەدى دامير دوسوۆ.لەيتەنانت ءوزى تۋرالى الماتىدان شىققانىن, راديوەلەكترونيكا جانە بايلانىس اسكەري-ينجەنەرلىك ينستيتۋتىندا جوعارى ءبىلىم العانىن ايتتى. ۆزۆود كومانديرى لاۋازىمىنا قايعىلى وقيعادان ءبىراز بۇرىن عانا تاعايىندالعان. اتاسى اۋعان سوعىسىنىڭ ارداگەرى بولعاندىقتان وسى سالادى قىزمەت ەتۋدى ارمانداعان.
2024 جىلعى 7 قىركۇيەكتە اقتاۋداعى ۆزۆود كومانديرى «ويماشا» پوليگونىنىڭ اۋماعىندا پم تابەلدىك تاپانشاسىنان قاتارداعى جاۋىنگەرگە وق اتقان. سالدارىنان مەرزىمدى سارباز مارات بارقۇلوۆ كوز جۇمدى. بۇعان دەيىن سوت ىسىندە وقيعانىڭ قالاي بولعاندىعىن مەرزىمدى سارباز ماحسىم دانگاروۆ ايتىپ, كۋالىك ەتكەن بولاتىن.
