مارات ايتەنوۆكە قاتىستى سوت شەشىمى شىقتى

استانانىڭ قىلمىستىق ىستەر جونىندەگى مامانداندىرىلعان سوتى شىمكەنتتىڭ ەكس-اكىمىىنىڭ اعاسى مارات ايتەنوۆكە قاتىستى ۇكىم شىعاردى, دەپ حابارلايدى Skifnews.kz اقپارات پورتالى.

«1978 جىلى تۋعان مارات ايتەنوۆ قىلمىستىق كودەكستىڭ „ۇرىپ-سوعۋ“ بابى بويىنشا قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ, 12 تاۋلىككە قاماۋعا الۋ جازاسى تاعايىندالسىن», — دەلىنگەن سوت ۇكىمىندە.

ايىپتاۋدىڭ ءمانى

ا. سوت شەشىمىنىڭ نەگىزىندە سوت ورىنداۋشىلارى جۇرگىزگەن كوشىرۋ بارىسىندا د.-عا, ياعني بۇرىنعى جۇبايىنا قاتىستى قاساقانا زورلىق-زومبىلىق ارەكەتتەرىن جاساپ, وعان كوگەرۋلەر مەن قانتالاۋ تۇرىندە دەنە جاراقاتىن كەلتىرگەن.

سوتتالۋشىنىڭ كىناسى وقيعا ورنىنىڭ جازباسىمەن, سوت-مەديتسينالىق ساراپتامانىڭ قورىتىندىسىمەن جانە ءىستىڭ باسقا دا ماتەريالدارىمەن دالەلدەندى.

تاراپتاردىڭ ۇستانىمى

پروكۋرور 12 تاۋلىك مەرزىمگە قاماۋعا الۋ تۇرىندەگى جازانى تاعايىنداۋدى سۇرادى.

سوتتالۋشى ا. ءوزىنىڭ كىناسىن مويىنداپ, شىن جۇرەكتەن وكىنىپ, جينالعان دالەلدەردى داۋلامادى.

جازا

قك 109-1-بابى 1-بولىگىنىڭ سانكتسياسى 80 اەك-كە دەيىنگى مولشەردە ايىپپۇل سالۋ نە سول مولشەردە تۇزەۋ جۇمىستارىنا, نە 80 ساعاتقا دەيىنگى مەرزىمگە قوعامدىق جۇمىستارعا تارتۋ, نەمەسە 25 تاۋلىككە دەيىنگى مەرزىمگە قاماققا الۋ تۇرىندەگى جازانى كوزدەيدى.

سوتپەن قىلمىستىق جاۋاپتىلىق پەن جازانى جەڭىلدەتەتىن ءمان-جايلار رەتىندە شىن جۇرەكتەن وكىنى مەن 3 جاس بالاسىنىڭ بولۋى تانىلدى.

اۋىرلاتاتىن ءمان-جايلار انىقتالعان جوق.

قك 55-بابى 2-ءبولىمىنىڭ 1) تارماعىنىڭ تالاپتارىنا سايكەس, جەڭىلدەتەتىن ءمان-جايلار بولعان جانە اۋىرلاتاتىن ءمان-جايلار بولماعان كەزدە قاماققا الۋ تۇرىندەگى جازانىڭ مەرزىمى ½ مەرزىمنەن اسپاۋى ءتيىس (12 تاۋلىكتەن اسپاۋى قاجەت).

سوت ۇكىمىمەن ا. قك-ءنىڭ 109-1-بابىنىڭ 1-بولىگىندە كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ يتانىلىپ, 12 تاۋلىك مەرزىمگە قاماققا الىندى.

سوت اكتىسى زاڭدى كۇشىنە ەنگەن جوق.