Jańalyqtar
Marat Áıtenovke qatysty sot sheshimi shyqty
Foto: Forbes.kz
Prokýror 12 táýlik merzimge qamaýǵa alý túrindegi jazany taǵaıyndaýdy surady. Sottalýshy A. óziniń kinásin moıyndap, shyn júrekten ókinip, jınalǵan dálelderdi daýlamady.
Astananyń qylmystyq ister jónindegi mamandandyrylǵan soty Shymkenttiń eks-ákimiiniń aǵasy Marat Áıtenovke qatysty úkim shyǵardy, dep habarlaıdy Skifnews.kz aqparat portaly.
«1978 jyly týǵan Marat Áıtenov qylmystyq kodekstiń „uryp-soǵý“ baby boıynsha qylmystyq quqyq buzýshylyqty jasaǵany úshin kináli dep tanylyp, 12 táýlikke qamaýǵa alý jazasy taǵaıyndalsyn», — delingen sot úkiminde.
Aıyptaýdyń máni
A. sot sheshiminiń negizinde sot oryndaýshylary júrgizgen kóshirý barysynda D.-ǵa, ıaǵnı burynǵy jubaıyna qatysty qasaqana zorlyq-zombylyq áreketterin jasap, oǵan kógerýler men qantalaý túrinde dene jaraqatyn keltirgen.
Sottalýshynyń kinási oqıǵa ornynyń jazbasymen, sot-medıınalyq saraptamanyń qorytyndysymen jáne istiń basqa da materıaldarymen dáleldendi.
Taraptardyń ustanymy
Prokýror 12 táýlik merzimge qamaýǵa alý túrindegi jazany taǵaıyndaýdy surady.
Sottalýshy A. óziniń kinásin moıyndap, shyn júrekten ókinip, jınalǵan dálelderdi daýlamady.
Jaza
QK 109-1-baby 1-bóliginiń sankııasy 80 AEK-ke deıingi mólsherde aıyppul salý ne sol mólsherde túzeý jumystaryna, ne 80 saǵatqa deıingi merzimge qoǵamdyq jumystarǵa tartý, nemese 25 táýlikke deıingi merzimge qamaqqa alý túrindegi jazany kózdeıdi.
Sotpen qylmystyq jaýaptylyq pen jazany jeńildetetin mán-jaılar retinde shyn júrekten ókini men 3 jas balasynyń bolýy tanyldy.
Aýyrlatatyn mán-jaılar anyqtalǵan joq.
QK 55-baby 2-bóliminiń 1) tarmaǵynyń talaptaryna sáıkes, jeńildetetin mán-jaılar bolǵan jáne aýyrlatatyn mán-jaılar bolmaǵan kezde qamaqqa alý túrindegi jazanyń merzimi ½ merzimnen aspaýy tıis (12 táýlikten aspaýy qajet).
Sot úkimimen A. QK-niń 109-1-babynyń 1-bóliginde kózdelgen qylmystyq quqyq buzýshylyqty jasaǵany úshin kináli dep ıtanylyp, 12 táýlik merzimge qamaqqa alyndy.
Sot aktisi zańdy kúshine engen joq.
