Marat Omarov Prezıdentke esep berdi

Foto: Aqorda

Memleket basshysy Básekelestikti qorǵaý jáne damytý agenttiginiń tóraǵasy Marat Omarovty qabyldady, dep habarlady qandastar.kz

Prezıdentke Agenttik tóraǵasy vedomstvonyń baqylaý fýnkııalaryn oryndaýy jóninde, onyń ishinde byltyr qabyldanǵan monopolııaǵa qarsy sharalardyń nátıjeleri týraly esep berdi.

Qasym-Jomart Toqaevqa negizgi taýar naryqtarynda shoǵyrlaný deńgeıin tómendetý jáne «Ekonomıkany yryqtandyrý jónindegi sharalar týraly» Jarlyqqa sáıkes jekeshelendirý baǵytynda atqarylǵan jumystar jaıynda baıandaldy. Agenttik monopolııaǵa qarsy 97 isti tergep-tekserýdi aıaqtady.

Marat Omarov básekelestikti damytý jónindegi 2025 jylǵa arnalǵan jospardy tanystyrdy. Monopolııalyq naryqtardaǵy baǵaǵa baqylaýdy kúsheıtý, tergep-tekserýler men naryqty taldaýdyń tıimdiligin arttyrý úshin zańnamaǵa tıisti ózgerister ázirlendi.

Agenttiktiń ıfrlyq ekojúıesin qurý men damytý josparlanyp otyr. Bul jasandy ıntellekt tehnologııalaryna negizdelgen aqparattyq-saraptamalyq júıeni, ıfrlyq portal men taldaý quraldaryn qamtıdy.

Sonymen qatar Memleket basshysyna Marat Omarov Qazaqstan fýtbol federaııasynyń prezıdenti retinde otandyq fýtboldyń áleýetin kóterý jáne elimizdegi balalar men jasóspirimder sportyn qoldaý josparyn tanystyrdy.

Kezdesý sońynda Prezıdent básekelestikti damytý boıynsha birqatar tapsyrma berdi.

Osyǵan deıin Qasym-Jomart Toqaev Prezıdent Ákimshiligi Basshysynyń birinshi orynbasaryn qabyldady.