مارقۇم ءورت ءسوندىرۋشى اسقار زابيكۋليننىڭ قىزىن العاشقى قوڭىراۋعا ارىپتەستەرى الىپ باردى

استانادا ءورت ءسوندىرۋ كەزىندە ەرلىكپەن قازا تاپقان اسكار زابيكۋليننىڭ قىزىن ارىپتەستەرى 1-سىنىپقا وزدەرى ەرتىپ اپاردى, دەپ حابارلايدى Qandastar.kz

العاشقى قوڭىراۋ كۇنى قىزدى اكەسىنىڭ ارىپتەستەرى مەكتەپكە بىرگە ەرتىپ اپارىپ, قۋانىشىنا ورتاقتاستى. سوسىن ولار  اسقار زابيكۋليننىڭ ەسىمى بەرىلگەن ءورت ءسوندىرۋ بولىمىنە باردى. باتىردىڭ ەسكەرتكىشىنە تاعزىم ەتىپ, ەسكە الۋ بۇرىشىمەن تانىستى.

“باتىردىڭ ۇرپاعىنا كورسەتىلگەن قامقورلىق بۇل ەرلىك پەن ادالدىقتىڭ جارقىن ۇلگىسىن كورسەتكەن اسقار زابيكۋليننىڭ رۋحىنا كورسەتىلگەن قۇرمەت”, – دەلىنگەن توتەنشە جاعدايلار دەپارتامەنتىنىڭ جازباسىندا.

ال مارقۇم زابيكۋليننىڭ جارى بۇل كۇننىڭ وتباسى ءۇشىن ماڭىزدى ەكەنىن ايتتى. 

“مەنىڭ كىشكەنتاي حانشايىمىم العاش رەت مەكتەپ تابالدىرىعىن اتتاپ, 1-سىنىپ وقۋشىسى اتاندى. بۇل ونىڭ ۇلكەن ءومىر جولىنىڭ باستاۋى, بىلىمگە, ارمانعا جانە بولاشاق جەڭىستەرگە اپارار العاشقى قادامى. جانىندا اكەسى بولماعانى ءۇشىن جۇرەك سىزدايدى… ول مەكتەپكە اكەسىز بارا جاتقانىمەن, اكەسى جۇرەگىندە, ءاردايىم جانىندا. اكەسى ارقاشان قىزىمەن ماقتاناتانىنا سەنەمىن. ول مەيىرىمى مەن قامقورلىعى ارقىلى ءاردايىم قىزىنىڭ جولىن جارىق ەتىپ تۇرادى. بۇگىن بىزگە ول جەتىسپەدى, بىراق ونىڭ قىزى ارقىلى ءومىر ءسۇرىپ, ك ۇلىمدەپ تۇرعانىن سەزەمىن”, – دەپ جازدى ول.

سونداي-اق ول توتەنشە جاعدايلار قىزمەتكەرلەرىنە جانە حالىققا قيىن ساتتەردە قولداۋ بىلدىرگەنى ءۇشىن العىسىن ءبىلدىردى.