مارقۇم سالتاناتتىڭ اعاسى تالعاردا كوز جۇمعان شەرزاتتىڭ وتباسىنا تەگىن قورعاۋشى ۇسىندى

فوتو: Tengrinews.kz

وتباسىلىق زورلىق-زومبىلىقتىڭ قۇربانى بولعان سالتانات نۇكەنوۆانىڭ اعاسى ايتبەك امانگەلدى تالعاردا قايتىس بولعان ءجاسوسپىرىم شەرزاتتىڭ وتباسىنا ءۇش تەگىن قورعاۋشى تاۋىپ بەردى, – دەپ حابارلايدى qandastar.kz Massaget.kz تىلشىسىنە سىلتەمە جاساپ.

بۇل تۋرالى ايتىم الەۋمەتتىك جەلىدەگى پاراقشاسىندا جازدى.

«ءبىز شەرزاتتىڭ وتباسىنا ءۇش ادۆوكات تاۋىپ بەردىك. ولار تەگىن كومەكتەسۋگە كەلىستى. قازىر تەرگەۋ ءجۇرىپ جاتىر. ادۆوكاتتار ورگان وكىلدەرىمەن بىرلەسىپ, جابىرلەنۋشىلەردەن جاۋاپ الىپ جاتىر. ءىس بويىنشا بىرنەشە ساراپتاما تاعايىندالعان. جانجال كەزىندە مارقۇم بالانىڭ اكەسى مەن اعاسى دا زارداپ شەككەن», – دەدى ول.

ەسكە سالايىق, الماتى وبلىسىنىڭ پوليتسيا دەپارتامەنتى 16 جاستاعى شەرزاتتىڭ ولىمىنە قاتىستى قىلمىستىق ءىس قوزعالعانىن حابارلاعان بولاتىن.

ايتا كەتەيىك, 4 قازانعا قاراعان ءتۇنى تالعاردا جانتۇرشىگەرلىك قىلمىس بولدى. قولىندا پىشاق پەن قارۋى بار ءبىر توپ جىگىت 16 جاستاعى شەرزات, اكەسى مەن اعاسىنا شابۋىل جاساعان. قازا تاپقان جىگىتتىڭ اتا-اناسى پوليتسەيلەر وقيعاعا قاتىستى ادامنىڭ ءبارىن ۇستاماعانىن ايتىپ, دابىل قاققان.

الماتى وبلىسىنىڭ پوليتسيا دەپارتامەنتى كامەلەتكە تولماعان بالانى ءولتىرۋ فاكتىسى بويىنشا پوليتسيا قىلمىستىق ءىس قوزعاعانىن حابارلادى. وقيعانىڭ بارلىق قاتىسۋشىلارى ۇستالدى جانە ۋاقىتشا ۇستاۋ يزولياتورىنا قامالدى.