مارقۇم شەرزات پولاتتىڭ اناسى ۇندەۋ جاسادى

الەۋمەتتىك جەلىلەردە مارقۇم شەرزاتتىڭ اناسىنىڭ تۇسىرگەن ۆيدەوۇندەۋى تارادى. ول ەندى ءاربىر كۇنى نە بولعانىن ۆيدەوعا تۇسىرمەك, دەپ حابارلايدى   Qandastar.kz Skifnews.kz اقپارات پورتالىنا سىلتەمە جاساپ.

تالعاردا 4 قازان كۇنى ءبىر توپ ادامنىڭ قولىنان قازا تاپقان شەرزات پولاتتىڭ اناسى بەينەجازبا جاريالادى.

بۇل وقيعاعا بايلانىستى تەرگەۋ ىسىنە كەلسەك, 10 ادام كۇدىكتى رەتىندە ۇستالدى. سول كەزدەگى ەكى ايەل ادام كۋاگەر رەتىندە قالدى. ال جەلىگە تاراعان بەينەجازبالارعا قاتىستى قىلمىستىق ءىس قوزعالدى. نەگىزىنەن بۇزاقىلىق, كىسى ءولتىرۋ, قوقان-لوققى جاساۋ, قىلمىستى قۇزىرلى ورگاندارعا حابارلاماۋ سىندى ايىپتارمەن قىلمىستىق ءىس قوزعالدى. 3 پىشاق, 1 مىلتىق ايعاق رەتىندە الىندى.

«مەن ەندى ءار كۇننىڭ قالاي وتكەنىن كورسەتۋ ءۇشىن قىسقا بەينەجازبا جاساۋعا شەشىم قابىلدادىم. ويتكەنى بۇل وتە اۋىر. ءبىز ءبىراز تىنىپ قالدىق. ونىڭ ءوز سەبەبى بولدى. سول ءتۇنى بولعان وقيعانى ەسكە الۋ وتە قيىن. بۇل مالىمەتتەر تەرگەۋ اياسىندا, سۇراۋ حاتتاماسىندا تىركەلدى», — دەدى ول.

سونىمەن قاتار, ول ادۆوكاتتارىنا العىسىن ءبىلدىردى.

«بۇگىن ءبىز كوپ نارسەنى باستان وتكەردىك. ادۆوكاتتاردىڭ ءبىرى ءورت تۋرالى سۇراۋعا كەتتى, ەكىنشىسى — شىعۋعا كەتتى», — دەدى شەرزاتتىڭ اناسى.