مارقۇم شەرزاتتىڭ ۇيىندەگى ءورت: پروكۋرور وقيعا ورنىنان كانيستر مەن قولعاپ تابىلعانىن مالىمدەدى

فوتو: ۆيدەودان سكرينشوت

15 قازاندا قوناەۆ قالاسىندا 16 جاستاعى شەرزاتتىڭ ءولىمىن تەرگەۋگە قاتىستى بريفينگتە مارقۇمنىڭ ۇيىندەگى ءورت جايلى تىڭ دەرەكتەر ايتىلدى. بۇل تۋرالى Stan.kz اقپارات اگەنتتىگى حابارلايدى.

الماتى وبلىسىنىڭ پروكۋرورى بەرىك اداموۆ تالعارداعى مارقۇم شەرزاتتىڭ وتباسىنىڭ ۇيىندە ءورت سىرتتان باستالعانىن مالىمدەدى.

«تەرگەۋ ساتىسىندا ەشقانداي زاڭبۇزۋشىلىق انىقتالعان جوق. سونداي-اق مارقۇمنىڭ وتباسى تۇرعان ۇيدەگى ءورتتىڭ سەبەبىن تەكسەرىپ جاتىرمىز. ءورت بولعان جەردەن ماڭىزدى دالەلدەر جينالىپ, 600-دەن استام ادام سۇرالدى. وقيعانىڭ قالاي بولعانىن انىقتاۋ ءۇشىن بىرنەشە ساراپتاما تاعايىندالدى. ماماندار ءورتتىڭ ءۇيدىڭ سىرتىنان باستالعانىن, وقىس جاعداي بولماعانىن جانە سىرتقى وت كوزى قولدانىلعانىن العاشقى قورىتىندى رەتىندە شىعاردى», – دەدى اداموۆ.

پروكۋروردىڭ ايتۋىنشا, وقيعا ورنىنان كانيستر مەن رەزەڭكە قولعاپ تابىلعان.

«كانيستر مەن قولعاپقا زەرتتەۋلەر جۇرگىزىلىپ جاتىر. شىعىن كولەمى انىقتالىپ جاتىر. بۇل ءىستى اشىق ءارى وبەكتيۆتى جۇرگىزۋدى جالعاستىرامىز. جابىرلەنۋشىنىڭ تۋىستارى مەن جاقىندارى تاۋلىك بويى كۇزەتكە الىنعان», – دەپ قوستى ول.