«مارقۇمداردىڭ اۋزىنداعى التىن تىستەرىن ۇرلاعان»: ولگەن ادامداردىڭ قابىرىن قازۋشى ۇستالدى

فوتو: اشىق دەرەككوز

ازەربايجان ەلىنىڭ باكۋ قالاسىندا قابىرلەردى قازىپ جۇرگەن ەر ادام ۇستالدى, دەپ حابارلادى turkystan.kz.

ول قابىر تونادى دەگەن كۇدىكپەن ۇستالدى.

ناسيمي اۋداندىق پوليتسيا باسقارماسىنىڭ قىزمەتكەرلەرى 39 جاستاعى ەلۆين ابباسوۆتى قولعا تۇسىرگەن.

ەلۆين ابباسوۆ باكۋ زيراتتارىنىڭ بىرىندە جۇمىس ىستەگەن جانە قابىرلەردى قازىپ, مارقۇمداردىڭ اۋزىنداعى التىن تىستەرىن ۇرلادى دەگەن كۇدىككە ىلىنگەن. كەيىن ۇرلانعان التىنداردى دۇكەندەردىڭ بىرىنە ساتىپ وتىرعان.

اتالعان دەرەك بويىنشا قىلمىستىق ءىس قوزعالىپ, تەرگەۋ جۇمىستارى جالعاسىپ جاتىر.