مارستا ەرەكشە قۇبىلىس بولدى

Perseverance زەرتتەۋ قۇرىلعىسى مارستا ەرەكشە قۇبىلىستى سەلفيگە ءتۇسىرىپ الدى, دەپ حابارلايدى Qandastar.kz اقپاراتتىق پورتالى Associated Press باسىلىمىنا سىلتەمە جاساپ.

NASA تاراتقان مالىمەتكە قاراعاندا, بۇل شاڭدى قۇيىن روۆەردەن شامامەن 5 شاقىرىم قاشىقتىقتا بايقالعان.

سەلفي سۋرەتى – Perseverance-ءتىڭ روبوت قولىنداعى كامەرا ارقىلى تۇسىرىلگەن 59 كادردىڭ جيىنتىعى. ونى جيناۋعا ءبىر ساعاتقا جۋىق ۋاقىت كەتكەن.

ارتقى جاقتا شاڭدى دۇلەيدىڭ بولۋى بۇل سۋرەتتى ەرەكشە, ءتىپتى كلاسسيكالىق ەتەدى, – دەيدى كامەرانى قۇراستىرۋشى Malin Space Science Systems كومپانياسىنىڭ ۆيزۋاليزاتسيا مامانى مەگان ۆۋ.

سۋرەتتە مارسوحود بۇرعىلاعان سوڭعى سىناما دا كورىنەدى. بۇل – Perseverance-ءتىڭ مارستاعى 1500-ءشى كۇنى, ياعني جەر ۋاقىتىندا 1541 كۇنگە تەڭ.

قازىر روۆەردىڭ ءۇستىن قىزىل شاڭ باسقان. بۇل – ول بۇعان دەيىن كوپتەگەن جىنىستى بۇرعىلاعانىنىڭ ناتيجەسى. 2020 جىلى ۇشىرىلعان اپپارات جەرگە اكەلىنۋى مۇمكىن سىنامالاردى جيناپ جاتىر. ول مارستاعى ەجەلگى وزەن ساعاسى – ەزەرو كراتەرىندە جۇمىس ىستەپ ءجۇر.