Marsta erekshe qubylys boldy

Perseverance zertteý qurylǵysy Marsta erekshe qubylysty selfıge túsirip aldy, dep habarlaıdy Qandastar.kz aqparattyq portaly Associated Press basylymyna silteme jasap.

NASA taratqan málimetke qaraǵanda, bul shańdy quıyn roverden shamamen 5 shaqyrym qashyqtyqta baıqalǵan.

Selfı sýreti – Perseverance-tiń robot qolyndaǵy kamera arqyly túsirilgen 59 kadrdyń jıyntyǵy. Ony jınaýǵa bir saǵatqa jýyq ýaqyt ketken.

Artqy jaqta shańdy dúleıdiń bolýy bul sýretti erekshe, tipti klassıkalyq etedi, – deıdi kamerany qurastyrýshy Malin Space Science Systems kompanııasynyń vızýalızaııa mamany Megan Vý.

Sýrette marsohod burǵylaǵan sońǵy synama da kórinedi. Bul – Perseverance-tiń Marstaǵy 1500-shi kúni, ıaǵnı Jer ýaqytynda 1541 kúnge teń.

Qazir roverdiń ústin qyzyl shań basqan. Bul – ol buǵan deıin kóptegen jynysty burǵylaǵanynyń nátıjesi. 2020 jyly ushyrylǵan apparat Jerge ákelinýi múmkin synamalardy jınap jatyr. Ol Marstaǵy ejelgi ózen saǵasy – Ezero kraterinde jumys istep júr.