ماس بولعان: قىزمەتتىك كولىكتى جۇرگىزىپ كەتكەن شەنەۋنىكتىڭ ۇلى قامالدى

فوتو: اشىق دەرەككوز

ماۋسىم ايىنىڭ سوڭىندا اقتوبە پاترۋلدىك پوليتسيا قىزمەتكەرلەرى «جەتىسۋ» جاعالاۋى ماڭىندا ماس كۇيىندە اۆتوكولىك جۇرگىزگەن 32 جاستاعى باۋىرجان ساعيدوللاەۆتى ۇستادى. ناتيجەسىندە, اقتوبە وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ باسشىسى ادىلكەرەي اۋەلباەۆ ۇلىنىڭ تارتىپسىزدىگى ءۇشىن جازاعا تارتىلدى, دەپ حابارلايدى Qandastar.kz.

باۋىرجان ساعيدوللاەۆ اكەسىنىڭ قىزمەتتىك «Toyota Hilux» كولىگىن ماس كۇيىندە جۇرگىزىپ, اقتوبەدە ءتارتىپ ساقشىلارىنىڭ قولىنا تۇسكەن.

ساعيدوللاەۆ 15 تاۋلىككە قاماۋدا بولىپ, 7 جىلعا جۇرگىزۋشى كۋالىگىنەن ايىرىلدى.

شەنەۋنىكتىڭ ءوزى دە قىزمەتتىك كولىكتى جەكە ماقساتتا پايدالانعانى ءۇشىن ادەپ كەڭەسىنىڭ الدىندا جاۋاپ بەردى. اۋەلباەۆ وقيعا بولعان ساتتە دەمالىستا بولعانىن جانە باسقا قالادا جۇرگەنىن ايتىپ اقتالدى. الايدا, بۇل سىلتاۋ ونى تارتىپتىك جازادان بوساتپايتىنى انىق. ويتكەنى, كەڭەستە اتاپ وتكەندەي, قىزمەتتىك كولىكتەر تەك مەملەكەتتىك قاجەتتىلىكتەر ءۇشىن پايدالانىلۋى ءتيىس.

وسىلايشا ادىلكەرەي اۋەلبەكوۆكە «قاتاڭ» سوگىس جاريالاندى.