Jańalyqtar
Mas ımam: Qostanaıdyń bas ımamy 15 táýlikke qamaldy
Kollaj: Ulysmedia.kz
Qostanaıdyń bas ımamy Tájimbet Bahytbek Nurǵabyluly 15 táýlikke qamaldy jáne 7 jylǵa kólik quralyn basqarý quqyǵynan aıyryldy, dep habarlaıdy Ulysmedia.kz.
KО́LIK BASQARÝDAN ShETTETILDI
Ol Býrabaıdaǵy túngi klýbtardyń birinen janynda masań kúıde kóligin aıdap bara jatqanda ustalǵan.
“Tájimbet Bahytbek Nurǵabyluly Qazaqstan Respýblıkasynyń ÁQBtK-niń 608-babynyń 1-bóligimen kináli dep tanylsyn, oǵan osy bap boı̆ynsha 15 (on bes) táýlikke qamaqqa alý jáne 7 (jeti) jylǵa kólik quralyn basqarý quqyǵynan aı̆yrý jazasy taǵaı̆yndalsyn.Qamaqqa alý ýaqyty 2024 jylǵy 23 shilde sáýir saǵat 16:53 mınýttan bastap eseptelsin”, – dep jazylǵan qaýlyda.
IMAM JALTARYP BAQTY
Oqıǵa 23 shildede bolǵan. Tájimbet Býrabaı̆ kenti Kenesary kóshesi «Regıon 03» klýbtyń qasynda Toyota Highlander avtokóligin alkogoldik masań kúı̆inde basqarǵan. Biraq ol sot otyrysynda óz kinásin moı̆yndamaı, alkogoldik ishimdikterdi ishpegenin, tek qana qymyz ishkenin kórsetken. Biraq sot otyrysynda zertelgen beı̆nejazba boı̆ynsha, mas bolý faktisin anyqtaý úshin medıınalyq kýálandyrý jasaǵan kezde deriger qoı̆ǵan suraqqa Tájimbet syra ishtim dep jaýap bergen.
“Sot, B.N. Tájimbetke ákimshilik jaza qoldaný kezinde onyń jaýaptylyǵyn jeńildetetin mán-jaı̆lardyń joq ekendigin, al jaýaptyǵyn aýyrlatatyn mán-jaı̆ retinde, onyń alkogoldik masań kúı̆de bolýy dep, onyń jeke basynyń, quqyq buzýshylyqtyń aı̆nalasyndaǵylarǵa qoǵamdyq qaýiptiligin, azamattardyń densaýlyǵymen jol júrisi qaýipsizdigine qaýip týdyratyndyǵyn, sonymen qatar atalǵan quqyq buzýshylyq úshin balama jazanyń joqtyǵyn eskere otyryp, oǵan ákimshilik jaza retinde qamaqqa alý jáne kólik quralyn basqarý quqyǵynan aı̆yrý jazasyn taǵaı̆yndaý qajet dep esepteı̆di”, – dep jazylǵan sot qaýlysynda.
QMDB IMAM TÝRALY MÁLIMETTI JASYRDY
Bir aıta keterligi, QMDB, ıaǵnı múftııat óziniń resmı saıtynda osy bas ımam týraly aqparatty jedel óshirip tastaǵan.
”Atap aıtqanda múftııattyń bul aıaq astynan jantalasqan arsyz tirligi erteń bundaı ımam QMDB júıesinde qyzmet etpeıdi nemese ımamdyq jumystan áldeqashan bosatylǵan dep aıtý úshin ǵana jasalǵan ekijúzdi pasyq is-áreket dep bilemin. О́z basym osy soraqylyqtardyń bárine dinniń atyn jamylyp,ótirik moralıst sııaqty bop kórinetin klerıkal ımamdardyń tóraǵasy,bas múftı Naýryzbaı О́tpenov tikeleı jaýapty dep esepteımin”, – dedi redakııaǵa habarlasqan turǵyn.
“BAS IMAM” KIM?
Tájimbet Bahytbek Nurǵabyluly 1983 jyly 17-mamyrda Qyzylorda oblysy, Jańaqorǵan aýdanynda dúnıege kelgen. Jańaqorǵan aýdanyndaǵy № 125 S. Saparbekov atyndaǵy qazaq orta mektebinde, Túrkistan qalasyndaǵy «Hasan Oraltaı» atyndaǵy medresesinde, Shymkent qalasyndaǵy «Qamar» atyndaǵy medresesinde, Almaty qalasyndaǵy «Taýgúl» medresesinde tálim alǵan. 2005-2006 jyldary Ystambul qalasyndaǵy «Ystambul mýftııatynda» bilim alǵan.
2015 jyldyń qarasha aıynyń 12-nen bastap, Qostanaı oblysy boıynsha ókil ımam jáne Qostanaı oblystyq «Maral ıshan» meshitiniń bas ımamy bolyp taǵaıyndaldy.
Úılengen, eki balanyń ákesi.
