«Mashına bylaı tursyn, samolet minemin»: Yrysbala Ikrambaı ózin synaǵandarǵa shúılikti

Muqtaj adamdarǵa baspana alyp beremin dep basy daýǵa qalǵan Yrysbala Ikrambaı taǵy da jelini shýlatty, — dep habarlaıdy Qandastar.kz

Volonter Perızat Qaırat ustalǵannan keıin jeli qoldanýshylary halyqtan aqsha jınap muqtajdarǵa úı alyp berýmen aınalysqan Yrysbala Ikrambaıdy tekserý keregin jazǵan edi. Kópshilik blogerdi elden jınalǵan aqshaǵa shalqyp ómir súrip júr dep topshylaǵan.

«Myna qaralym sanyn qarańyzdar. Kaspı dúkeninde taýar satqanyma 4 kún ǵana boldy. «Úzdik satýshy» statýsyn alyp berip otyrsyzdar», — dedi ol ınstagramdaǵy statıstıkasyn kórsetip.

Osydan keıin halyqtyń arqasynda ushaq miný josparynda baryn aıta ketti.

«Yrysbala halyqtyń arqasynda baıyp, semirip aldy deıtinder ishteriń kúıse tuz jalańdar. Mashına mingen bylaı tursyn halyqtyń arqasynda samolet minemin», — dep ázildedi bloger.