Maskamdy sheshpeımin, kim ekenimdi aıtpaımyn — Maska kıgen adam

Foto: ashyq derekterden

Muqtaj jandarǵa kómektesip júrgen belsendi, «Chelovek v maske» qorynyń ókili Halyq Uni tilshisine suqbat berdi. Ol kópshilik jıi qoıatyn suraqtarǵa jaýap berip, qaıyrymdylyq jasaýmen aınalysýǵa ne túrtki bolǵanyn aıtty, dep habarlaıdy Qandastar.kz.

Er adamnyń aıtýynsha, maska men kózildirik taǵyp, muqtaj jandarǵa kómektesý ıdeıasy 2020 jyly paıda bolǵan. Sol jyly ákesi ınsýlt alyp, ómirinde úlken ózgeris bolǵan.

Halyq arasynan shyqqan batyrlar týraly tarıhty jaqsy kóremin. Qaharmandar týraly fılmder, mýltfılmderdi kórip óstim jáne bala kezden solar sııaqty bolǵym keldi. 2020 jyly ákem ınsýlt alyp, dárigerler densaýlyǵy nasharlaı beretinin aıtty. Sol sátte ózimdi dármensiz sezinip, Alladan kómek suraı bastadym. Qaıyrymdylyq jasaý osylaı bastaldy. Bul men úshin betburys boldy. Ákemniń densaýlyǵy túzeldi. Júrý, sóıleý, jazýdy – bárin basynan bastadyq. 5 jyl ishinde ózimdi izdedim, túrli salada jumys istedim. Qolymda múmkindik bolsa, nemen aınalysar edim degen suraq qoıdym. Bul suraqtyń jaýaby – sport pen qaıyrymdylyq boldy, — deıdi ol.

Sol kezde bala armany esine túsip, qaıyrymdylyqpen aınalysýdy bastaǵan.

Jalpy kópshilik maska taqqan jigit Dımash Qudaıbergen bolýy da múmkin degen pikir aıtady. Daýysy men syrt kelbetin uqsatady. Er adamnan bul týraly da suradyq. Maska taqqan jigit «Dımashpyn, Dımash emespin» dep eshteńe aıta almaımyn», dep qysqa qaıyrdy.

Aıtýynsha, muqtaj jandar ózderi jazyp kómek suraıdy. Tipti ár óńirde aqparat berip otyratyn eriktiler de bar. Qazaqstandyqtar arasynda qaıyrymdylyq jasap, qarajat aýdaratyndar kóp. Sheteldikter de únemi qoldap otyrady.

Ol elimizde kómekke muqtaj azamattyń kóp ekenin aıtady. Halyq arasynda nesıe alyp, qaryzǵa batqandar jıi kómek suraıdy.

Kómek suraıtyndardyń deni qaryzǵa batyp júrgender. Jalpy halqymyzdyń qarjylyq saýattylyǵy tómen, biz soǵan kóńil bólýimiz kerek. Árıne, ómirde ártúrli jaǵdaı, ártúrli taǵdyr bolady. Maska men kózildirikti ómirimniń sońyna deıin sheshpeımin. Kim ekenimdi eshqashan aıtpaımyn, — deıdi ol.