Máskeýde qazaqstandyq azamat jalǵan aqsha taratqany úshin ustaldy

Foto: istockphoto
Máskeýde polıııa qyzmetkerleri 5000 rýbldik jalǵan kýpıýralardy taratty degen kúdikpen Qazaqstan azamatyn ustady. Bul aqparatty Reseı IIM-niń baspasóz qyzmeti rastady, dep habarlaıdy Zakon.kz.

Vedomstvo málimetinshe, 23 jastaǵy jigit messendjer arqyly 5000 rýbldik 300 jalǵan banknot satyp alyp, olardy Reseıdiń túrli aımaǵynda ótkize bastaǵan. Ol arzan taýarlardy satyp alý arqyly jalǵan aqshamen eseptesip, qaıtarymǵa shynaıy aqsha alyp otyrǵan.

Tergeý barysynda onyń 28 kýpıýrany ótkizip úlgergeni anyqtaldy: ekeýin — Volgograd oblysynda, on birin — Astrahan oblysynda, taǵy on besin — Máskeýde.

Kúdikti astanaǵa Volgogradtan kelgen polıııa qyzmetkerleriniń issapary kezinde ustaldy. Jeke tintý kezinde odan jalpy somasy 1,36 mıllıon rýbl bolatyn 272 jalǵan kýpıýra tárkilendi.

Atalǵan fakt boıynsha Reseı Federaııasy Qylmystyq kodeksiniń 186-baby 1-bóligi («Jalǵan aqshany jasaý, saqtaý, tasymaldaý nemese ótkizý») boıynsha qylmystyq is qozǵaldy. Kúdikti qamaýǵa alyndy.

Qazir jalǵan kýpıýralardyń shyqqan kózin anyqtaýǵa baǵyttalǵan tergeý amaldary júrgizilip jatyr.