ماسكەۋلىك قانداستار ناۋرىزدى تويلاۋدا

ناۋرىز مەرەكەسىن تويلاۋدىڭ جاڭا ۇلگىسى كوپتىڭ كوڭىلىنەن شىعۋدا.  ماسكەۋلىك قازاقتار باس قوسىپ, جاڭارۋدىڭ جارشىسى بولعان ءاز-ناۋرىزدى اتاپ ءوتتى.

ولار ەلىمىزدە باستالعان يگى ىستەردىڭ جالعاسارىنا سەنەدى. ماسكەۋدە تۇراتىن قانداستارىمىز ەلدەن جەتكەن يگى باستامانى  قۋانا قارسى الدى.

وسىعان وراي ۇلتتىق قۇندىلىقتاردى, مادەنيەت پەن ونەردى ناسيحاتتاۋ ماقساتىندا ءاز-ناۋرىز كەزىندە ءتۇرلى ءىس-شارا وتكىزبەك. جارقىن ۋتەشوۆا, ماسكەۋ قالاسىنداعى «استانا» قورىنىڭ پرەزيدەنتى: — بۇل قازاقتىڭ رۋحىنىڭ ويانعانى.

ءوزىنىڭ قازاق ەكەنىن ۇمىتپاي, كەيىنگى ۇرپاققا جەتكىزەمىن دەگەن تالپىنىسى. ول وتە ۇلكەن جەتىستىك. بۇل ءبىزدىڭ جەتىستىگىمىز دەپ ويلايمىن. مەن ءوز باسىم بۇگىن ەرەكشە قۋانىپ تۇرمىن وسىنداي مەرەكەگە ءبىزدىڭ جاستارىمىزدىڭ قاتىسىپ بەسلەندىلىك تانىتقانىنا.

قازاق ءتىلى مەن مادەنيەتى كلۋبى ماسكەۋدە ون جىلدان بەرى جۇمىسىن جالعاستىرىپ كەلە جاتقان ۇيىم.  ماقساتى رەسەيدىڭ بارلىق ايماقتارىنان كەلگەن قازاق اقساقالدارىنىڭ باسىن قوسىپ, جاستار اراسىندا تۋعان ءتىل مەن سالت-داستۇرگە دەگەن قۇرمەتتى دارىپتەۋ. قىدىربەك ەسپولوۆ, ماسكەۋ تۇرعىنى: — ءبىز روسسيانىڭ قازاقتارى قايدا جۇرسەك تە قازاقپىز دەپ ماقتانىپ جۇرەمىز.  اقساقال رەتىندە ءبىز جاستارعا تاربيە بەرەمىز. قازاق قانداي بولۋ كەرەك ەكەن. قانداي تاربيە كورگەن. قازاق قايدا جۇرسە دە, ءوز ءداستۇرىن, تاربيەسىن, قازاق ەكەنىن ۇمىتپاسىن. قازاقتار كوبەيە بەرسىن, ءبىلىمىمىز اسا بەرسىن! ادالدىق پەن بىرلىكتىڭ, ىزگىلىك پەن ىنتىماقتىڭ بەلگىسىنە اينالعان ۇلتتىق مەيرامدى ۇلىقتاۋ ءبىزدىڭ پارىزىمىز دەيدى ماسكەۋلىك قانداستارىمىز. وسىلايشا شەتتەگى قازاقتار ايشىقتى مەرەكەدەن شەت قالماق ەمەس.