MÁSKEÝLIK QANDASTAR NAÝRYZDY TOILAÝDA

Naýryz merekesin toılaýdyń jańa úlgisi kóptiń kóńilinen shyǵýda.  Máskeýlik qazaqtar bas qosyp, jańarýdyń jarshysy bolǵan Áz-Naýryzdy atap ótti.

Olar elimizde bastalǵan ıgi isterdiń jalǵasaryna senedi. Máskeýde turatyn qandastarymyz elden jetken ıgi bastamany  qýana qarsy aldy.

Osyǵan oraı ulttyq qundylyqtardy, mádenıet pen ónerdi nasıhattaý maqsatynda Áz-Naýryz kezinde túrli is-shara ótkizbek. Jarqyn Ýteshova, Máskeý qalasyndaǵy «Astana» qorynyń prezıdenti: — Bul qazaqtyń rýhynyń oıanǵany.

О́ziniń qazaq ekenin umytpaı, keıingi urpaqqa jetkizemin degen talpynysy. Ol óte úlken jetistik. Bul bizdiń jetistigimiz dep oılaımyn. Men óz basym búgin erekshe qýanyp turmyn osyndaı merekege bizdiń jastarymyzdyń qatysyp beslendilik tanytqanyna.

Qazaq tili men mádenıeti klýby Máskeýde on jyldan beri jumysyn jalǵastyryp kele jatqan uıym.  Maqsaty Reseıdiń barlyq aımaqtarynan kelgen qazaq aqsaqaldarynyń basyn qosyp, jastar arasynda týǵan til men salt-dástúrge degen qurmetti dáripteý. Qydyrbek Espolov, Máskeý turǵyny: — Biz Rossııanyń qazaqtary qaıda júrsek te qazaqpyz dep maqtanyp júremiz.  Aqsaqal retinde biz jastarǵa tárbıe beremiz. Qazaq qandaı bolý kerek eken. Qandaı tárbıe kórgen. Qazaq qaıda júrse de, óz dástúrin, tárbıesin, qazaq ekenin umytpasyn. Qazaqtar kóbeıe bersin, bilimimiz asa bersin! Adaldyq pen birliktiń, izgilik pen yntymaqtyń belgisine aınalǵan ulttyq meıramdy ulyqtaý bizdiń paryzymyz deıdi máskeýlik qandastarymyz. Osylaısha shettegi qazaqtar aıshyqty merekeden shet qalmaq emes.