جاڭالىقتار
ءماسليحات دەپۋتاتى شارۋا قوجالىعىنا بولىنگەن 457 ميلليون تەڭگە سۋبسيديانى ۇرلاعان
2020 جىلى اسىلبەك نۇرگەلدين «ك» شارۋا قوجالىعىنىڭ باسشىسى بولا تۇرا, اگرارلىق نەسيە كورپوراتسياسىنا «گ» جاۋاپكەرشىلىگى شەكتەۋلى سەرىكتەستىگىنەن 1200 باس ءىرى قارا مالىن ساتىپ الۋ كەلىسىمشارتىن جاساپ, 780 ميلليون تەڭگە نەسيە الماق بولعان. شىن مانىندە ونىڭ مال ساتىپ الۋ نيەتى بولماعان
كەپىلگە ءىرى قارا مالدى قويامىن دەگەن, ال ءىس جۇزىندە ول مال جوق. دەپۋتاتقا 390 ميلليون تەڭگە بەرىلىپتى. ول قارجىنى تۋىسىنىڭ شارۋا قوجالىعىنىڭ ەسەپشوتىنا اۋدارعان. وسىلايشا 290 ميلليون تەڭگە جەكە شوتقا, ال قالعانى «ك» شوتىنا اۋدارىلدى.
دەپۋتاتتىڭ 2021-2022 جىلدار ارالىعىندا مالى بولماعان. وعان قوسا وبلىستىق اۋىل شارۋاشىلىعى باسقارماسىن جاڭىلىستىرىپ, اۋىل شارۋاشىلىعى مالدارىنىڭ اسىل تۇقىمدى مالىن بورداقىلاۋ قۇنىن تومەندەتۋگە سۋبسيديا الۋعا جالعان ءوتىنىم بەرگەن.
«ول اۋدارىلعان قاراجاتتى قولما-قول اقشاعا اينالدىرىپ, ءوز قاجەتىنە جۇمساعان, ءسويتىپ اۋىل شارۋاشىلىعى بولىمىنە ماتەريالدىق شىعىن كەلتىرگەن», – دەدى سوت.
اسىلبەك نۇرگەلدينگە سوت ۇكىمى شىقتى. ول قىلمىستىق كودەكستىڭ 190-بابى “الاياقتىق” بويىنشا 10 جىلعا كوممەرتسيالىق ۇيىمداردا ۇيىمداستىرۋ, اكىمشىلىك جانە ماتەريالدىق-جاۋاپتى فۋنكتسيالاردى اتقارۋ قۇقىعىنان ايىرا وتىرىپ, 6 جىل باس بوستاندىعىنان ايىرىلدى.
