«ماستۋرباتسيا جاساعان»: استانالىق 19 جاستاعى بويجەتكەن تاكسي جۇرگىزۋشىسىنىڭ تاراپىنان سەكسۋالدىق قىسىم كوردى

فوتو: astana_typical

استانادا 19 جاستاعى بويجەتكەن InDriver قوسىمشاسى ارقىلى شاقىرىلعان تاكسي جۇرگىزۋشىسىنىڭ سەكسۋالدىق سيپاتتاعى ادەپسىز ارەكەتتەرىنىڭ قۇربانى بولدى, دەپ جازدى qandastar.kz

قىز اناسىمەن بىرگە قالاداعى ساۋدا ويىن-ساۋىق ورتالىعىنا بارۋ ءۇشىن كولىككە وتىرعان. بۇل تۋرالى Stan.kzاقپارات اگەنتتىگى حابارلايدى.

قىزدىڭ ايتۋىنشا, باستاپقىدا ءبارى دۇرىس بولعان. جۇرگىزۋشى تاپسىرىپ العاندا حابارلاسىپ, قىزدان ودان ءبولىم كىم بار ەكەنىن سۇراعان. ەر ادام 10-12 مينۋتتا كەلىپ, بويجەتكەن اناسىنىڭ جانىندا ارتقى ورىندىققا جايعاسقان. الايدا جول بويى جۇرگىزۋشىنىڭ كولىك ايداي ءجۇرىپ, ارتقى اينالار ارقىلى ۇنەمى قىزعا كوز تاستاعانى مازاسىزدىق تۋدىرعان.

ء«بىر ساتتە جۇرگىزۋشىنىڭ ماعان تاڭعالارلىق, مازاسىزداندىراتىن كوزقاراسپەن قاراپ وتىرعانىن بايقاي باستادىم. العاشىندا ءمان بەرمەي, «جاي عانا قاراپ وتىر شىعار» دەپ ويلادىم. بىراق كەيىنىرەك ونىڭ قولىمەن بىردەڭە ىستەپ جاتقانىن بايقادىم. «بالكىم, دەنەسى قىشىپ كەتكەن شىعار» دەپ ويلادىم. الايدا بىرنەشە مينۋتتان سوڭ انىق كوردىم — ول مaستۋرباتسيا جاساپ وتىر ەكەن, ءبارى انىق كورىنىپ تۇردى», – دەپ جازدى ارۋجان جەلىدەگى پاراقشاسىندا.

ارۋجان ەر ادامنىڭ وعان ارتقى اينانىڭ كومەگىمەن تىك قاراپ, قايتا-قايتا بۇرىلىپ, كوز تاستاپ وتىرعان.

«قاتتى قورقىپ كەتتىم, ابدىراپ, قاتىپ قالدىم. مەن ەشنارسە بايقاماعانداي ءتۇر كورسەتۋگە تىرىستىم, ونى ارانداتپاۋ ءۇشىن. ءبىز «مەگا» ماڭىنداعى ونشا ادام جۇرمەيتىن جولدا كەلە جاتىر ەدىك, ال مەنىڭ باسىما قورقىنىشتى ويلار كەلە باستادى. ەگەر ول ءبىزدى باسقا جاققا الىپ كەتسە شە, ءبىر نارسە جاساسا شە?.. اناما قارادىم, ول ەشتەڭە بايقاماعان ەكەن. جۇرگىزۋشى بولسا ءالى دە ارتقى اينا ارقىلى ماعان قاراپ, ءوزىنىڭ جىنىس مۇشەسىن مىندەتتى تۇردە كورۋىم كەرەك سياقتى يشارا بەرىپ وتىرعانداي بولدى», – دەپ جازدى ارۋ.

جول بويىندا ءبىر باعدارشامدا كورشى كولىكتىڭ جۇرگىزۋشىسى جولاۋشى ەسىگىنىڭ اشىق تۇرعانىن ەسكەرتكەن. سول ساتتە InDriver جۇرگىزۋشىسى ءوزىنىڭ ارەكەتىن توقتاتپاستان, ەسىكتى جابۋعا ۇمتىلىپ, بويجەتكەننىڭ اياعىنا تيگەن. قىز جاعدايدىڭ قانشالىقتى قاۋىپتى ەكەنىن ءتۇسىنىپ, دالەل جيناۋ ماقساتىندا وقيعانى جاسىرىن تۇردە ۆيدەوعا ءتۇسىرىپ ۇلگەرگەن.

ء«بىز «مەگاعا» جاقىنداپ قالدىق. مەن ەشتەڭە بولماعانداي ءتۇر جاساپ, سابىرمەن «Kaspi ءنومىرىڭىزدى ايتىڭىزشى, اۋدارىم جاسايىن» دەدىم. ول ءنومىرىن ايتتى, مەن اقشا اۋداردىم. كولىك توقتاعان ساتتە مەن بىردەن اتىپ شىعىپ, انامنىڭ قولىنان ۇستاپ, فۋدكورتقا قاراي جۇگىردىك. ىشكە كىرگەن سوڭ, ءوزىمدى ۇستاۋعا شامام كەلمەي, جىلاپ جىبەردىم. اناما بولعان جاعدايدىڭ ءبارىن ايتىپ بەردىم. ول مەنى جۇباتتى دا «بۇل جاعداي بويىنشا مىندەتتى تۇردە ارىز جازۋ كەرەك. سەن وزىڭە دە, دەنساۋلىعىڭا دا زيان كەلتىرىپ جاتىرسىڭ. ەرتەڭ سونداي ەركەكتەر بىردەڭە جاساسا, قايتا جىلايسىڭ» دەدى”, – دەدى ارۋجان.

وقيعادان كەيىن بويجەتكەن جىلاپ وتىرىپ 102 نومىرىنە قوڭىراۋ شالعان. شوك كۇيىندە بولعاندىقتان, ناقتى سويلەۋ قيىنعا سوققان. كەزەكشى قىزمەتكەر تەلەفونىن اناسىنا بەرۋىن سۇراعان. ول ءتۇسىرىپ ۇلگەرگەن ۆيدەونى پوليتسياعا جولداپ, كوپ ۇزاماي كەلگەن پاترۋلدىك توپقا كورسەتكەن. پوليتسەيلەردىڭ ءبىرى قىسقا جولاق شالبار جايلى ورىنسىز پىكىر ايتقان, بۇل جابىرلەنۋشىگە ءوزىن كىنالى سەزىندىرگەن.

اناسى مەن قىزى اۋداندىق بولىمشەدە ارىز جازىپ, بولعان جايتتى تولىق بايانداعان. سول جەردە كۇدىكتى دە بولعان. اناسى ونى كورىپ, اشۋعا بوي الدىرىپ, بوقتاپ جىبەرگەن.

كەيىن جۇرگىزۋشى ۇستالىپ, ونىڭ جەدەل جاردەم قىزمەتىندە جۇمىس ىستەيتىنى, وتباسىلى, بىرنەشە بالاسى بار ەكەنى انىقتالدى. 29 شىلدە كۇنى وتكەن سوت وتىرىسىندا ول كىناسىن تولىق مويىنداپ, وتباسىلىق جاعدايىن العا تارتىپ, سوتتان كەشىرىم سۇرادى.

«مەن بۇل ارىزدى كەك الۋ ءۇشىن بەرگەن جوقپىن. ەگەر بۇل وقيعا مەن ەمەس, 15 جاستاعى, ءوزىن قورعاي المايتىن قىزدىڭ باسىنان وتسە شە?» –دەدى جابىرلەنۋشى.

قازىرگى تاڭدا ءىس سوت قاراۋىندا. قىز ءادىل شەشىم شىعاتىنىنا سەنەدى جانە وسىنداي جاعدايعا تاپ بولعان ادامداردى ءۇنسىز قالماۋعا, قۇقىقتارىن قورعاۋعا شاقىرادى.

ەسكە سالايىق, بۇعان دەيىن 2023 جىلى جازدا گەرمانيالىق ساياحاتشى ۆالەريا تۇركىستان وبلىسىنا ساياحاتتاپ كەلگەن. ارىستان باب كەسەنەسى ماڭىنا شاتىر تىگىپ تۇنەگەن كەزدە, ءوزىن جەرگىلىكتى تۇرعىن رەتىندە تانىستىرعان ەر ادامنىڭ ازعىندىق ارەكەتىنە تاپ بولعان. العاشىندا ەر ادام ايەلىمەن بىرگە كەلىپ, ۆالەريامەن Google اۋدارماشى ارقىلى سويلەسكەن, سۋرەتتەرىن قاراپ, WhatsApp ءنومىرىن العان. كەيىن ءتۇن ورتاسىندا ايەلىنسىز قايتا ورالىپ, شاتىرعا كىرمەك بولىپ, قىزعا قول جۇگىرتپەك بولعان. ۆالەريا ونى قۋىپ شىققان. ول بۇل وقيعانى YouTube ارناسىندا بايانداپ, بۇل جاعدايدان ساباق العانىن, الايدا ساياحاتتاۋدان باس تارتپايتىنىن ايتتى. قازاقستاندىقتار بۇل وقيعا ءۇشىن كەشىرىم سۇراپ, قىزعا قولداۋ ءبىلدىردى.