«Mastýrbaııa jasaǵan»: Astanalyq 19 jastaǵy boıjetken taksı júrgizýshisiniń tarapynan seksýaldyq qysym kórdi

Foto: astana_typical

Astanada 19 jastaǵy boıjetken InDriver qosymshasy arqyly shaqyrylǵan taksı júrgizýshisiniń seksýaldyq sıpattaǵy ádepsiz áreketteriniń qurbany boldy, dep jazdy qandastar.kz

Qyz anasymen birge qaladaǵy saýda oıyn-saýyq ortalyǵyna barý úshin kólikke otyrǵan. Bul týraly Stan.kzaqparat agenttigi habarlaıdy.

Qyzdyń aıtýynsha, bastapqyda bári durys bolǵan. Júrgizýshi tapsyryp alǵanda habarlasyp, qyzdan odan bólim kim bar ekenin suraǵan. Er adam 10-12 mınýtta kelip, boıjetken anasynyń janynda artqy oryndyqqa jaıǵasqan. Alaıda jol boıy júrgizýshiniń kólik aıdaı júrip, artqy aınalar arqyly únemi qyzǵa kóz tastaǵany mazasyzdyq týdyrǵan.

«Bir sátte júrgizýshiniń maǵan tańǵalarlyq, mazasyzdandyratyn kózqaraspen qarap otyrǵanyn baıqaı bastadym. Alǵashynda mán bermeı, «jaı ǵana qarap otyr shyǵar» dep oıladym. Biraq keıinirek onyń qolymen birdeńe istep jatqanyn baıqadym. «Bálkim, denesi qyshyp ketken shyǵar» dep oıladym. Alaıda birneshe mınýttan soń anyq kórdim — ol mastýrbaııa jasap otyr eken, bári anyq kórinip turdy», – dep jazdy Arýjan jelidegi paraqshasynda.

Arýjan er adamnyń oǵan artqy aınanyń kómegimen tik qarap, qaıta-qaıta burylyp, kóz tastap otyrǵan.

«Qatty qorqyp kettim, abdyrap, qatyp qaldym. Men eshnárse baıqamaǵandaı túr kórsetýge tyrystym, ony arandatpaý úshin. Biz «Mega» mańyndaǵy onsha adam júrmeıtin jolda kele jatyr edik, al meniń basyma qorqynyshty oılar kele bastady. Eger ol bizdi basqa jaqqa alyp ketse she, bir nárse jasasa she?.. Anama qaradym, ol eshteńe baıqamaǵan eken. Júrgizýshi bolsa áli de artqy aına arqyly maǵan qarap, óziniń jynys múshesin mindetti túrde kórýim kerek sııaqty ıshara berip otyrǵandaı boldy», – dep jazdy arý.

Jol boıynda bir baǵdarshamda kórshi kóliktiń júrgizýshisi jolaýshy esiginiń ashyq turǵanyn eskertken. Sol sátte InDriver júrgizýshisi óziniń áreketin toqtatpastan, esikti jabýǵa umtylyp, boıjetkenniń aıaǵyna tıgen. Qyz jaǵdaıdyń qanshalyqty qaýipti ekenin túsinip, dálel jınaý maqsatynda oqıǵany jasyryn túrde vıdeoǵa túsirip úlgergen.

«Biz «Megaǵa» jaqyndap qaldyq. Men eshteńe bolmaǵandaı túr jasap, sabyrmen «Kaspi nómirińizdi aıtyńyzshy, aýdarym jasaıyn» dedim. Ol nómirin aıtty, men aqsha aýdardym. Kólik toqtaǵan sátte men birden atyp shyǵyp, anamnyń qolynan ustap, fýdkortqa qaraı júgirdik. Ishke kirgen soń, ózimdi ustaýǵa shamam kelmeı, jylap jiberdim. Anama bolǵan jaǵdaıdyń bárin aıtyp berdim. Ol meni jubatty da «Bul jaǵdaı boıynsha mindetti túrde aryz jazý kerek. Sen ózińe de, densaýlyǵyńa da zııan keltirip jatyrsyń. Erteń sondaı erkekter birdeńe jasasa, qaıta jylaısyń» dedi”, – dedi Arýjan.

Oqıǵadan keıin boıjetken jylap otyryp 102 nómirine qońyraý shalǵan. Shok kúıinde bolǵandyqtan, naqty sóıleý qıynǵa soqqan. Kezekshi qyzmetker telefonyn anasyna berýin suraǵan. Ol túsirip úlgergen vıdeony polıııaǵa joldap, kóp uzamaı kelgen patrýldik topqa kórsetken. Polıeılerdiń biri qysqa jolaq shalbar jaıly orynsyz pikir aıtqan, bul jábirlenýshige ózin kináli sezindirgen.

Anasy men qyzy aýdandyq bólimshede aryz jazyp, bolǵan jaıtty tolyq baıandaǵan. Sol jerde kúdikti de bolǵan. Anasy ony kórip, ashýǵa boı aldyryp, boqtap jibergen.

Keıin júrgizýshi ustalyp, onyń jedel járdem qyzmetinde jumys isteıtini, otbasyly, birneshe balasy bar ekeni anyqtaldy. 29 shilde kúni ótken sot otyrysynda ol kinásin tolyq moıyndap, otbasylyq jaǵdaıyn alǵa tartyp, sottan keshirim surady.

«Men bul aryzdy kek alý úshin bergen joqpyn. Eger bul oqıǵa men emes, 15 jastaǵy, ózin qorǵaı almaıtyn qyzdyń basynan ótse she?» –dedi jábirlenýshi.

Qazirgi tańda is sot qaraýynda. Qyz ádil sheshim shyǵatynyna senedi jáne osyndaı jaǵdaıǵa tap bolǵan adamdardy únsiz qalmaýǵa, quqyqtaryn qorǵaýǵa shaqyrady.

Eske salaıyq, buǵan deıin 2023 jyly jazda Germanııalyq saıahatshy Valerııa Túrkistan oblysyna saıahattap kelgen. Arystan bab kesenesi mańyna shatyr tigip túnegen kezde, ózin jergilikti turǵyn retinde tanystyrǵan er adamnyń azǵyndyq áreketine tap bolǵan. Alǵashynda er adam áıelimen birge kelip, Valerııamen Google aýdarmashy arqyly sóılesken, sýretterin qarap, WhatsApp nómirin alǵan. Keıin tún ortasynda áıelinsiz qaıta oralyp, shatyrǵa kirmek bolyp, qyzǵa qol júgirtpek bolǵan. Valerııa ony qýyp shyqqan. Ol bul oqıǵany YouTube arnasynda baıandap, bul jaǵdaıdan sabaq alǵanyn, alaıda saıahattaýdan bas tartpaıtynyn aıtty. Qazaqstandyqtar bul oqıǵa úshin keshirim surap, qyzǵa qoldaý bildirdi.