«Maxi شايعا بويكوت»: يمام «قازاقتار يسلامدى قابىلداماعان» دەگەن بايان الاگوزوۆاعا قارسى شىقتى

تانىمال پروديۋسەر بايان الاگوزوۆانىڭ “قازاقتار يسلام ءدىنىن قابىلداماعان” دەگەن پىكىرى قوعامدا قىزۋ تالقىعا ءتۇستى, دەپ حابارلايدى Qandastar.kz  Skifnews.kz اقپارات پورتالىنا سىلتەمە جاساپ.

بۇل سوزدەرگە العاشقىلاردىڭ ءبىرى بولىپ ءدىن وكىلى, يمام دانيار كەنجە ۇلى قارسى پىكىر ءبىلدىردى. ول پروديۋسەردىڭ كۇيەۋى تۇرسەن الاگوزوۆكە تيەسىلى “Maxi شايىنان” باس تارتۋعا شاقىردى.

“بۇل — جاي عانا قاتەلىك ەمەس, تۇتاس ۇلتتىڭ رۋحاني تاريحىنا جاسالعان اۋىر سوققى. قازاق – ەجەلدەن مۇسىلمان حالىق. تاريحتى جوققا شىعارۋ — رۋحتى قورلاۋ. ەگەر جۇرەگىندە يمان بولسا, مۇنداي سوزدەرگە قارسى ءۇن قاتا ءبىل. Maxi شايدى ىشپەۋگە شاقىرامىن”, – دەدى يمام.

الايدا ونىڭ بۇل ۇندەۋى الەۋمەتتىك جەلىدە جۇرتشىلىقتىڭ ءتۇرلى پىكىرىن تۋدىردى.

كەيبىر قولدانۋشىلار يمامنىڭ ارەكەتىن ەكىجۇزدىلىككە بالاپ, بىلاي دەپ جازدى:

“قىز زورلاعاندار مەن ايەل ولتىرگەندەرگە نەگە بويكوت جوق?”, “كاسىپ اشىپ, حالىققا كومەكتەسپەي جاتىپ, نەگە ءبىر شاي ءۇشىن جۇرتقا بويكوت جاريالايسىڭ?”, “كەدەيلىك, جەمقورلىق, زورلىق-زومبىلىققا ۇندەمەيسىڭدەر. ال ءبىر پىكىر ءۇشىن ۇرانداتاسىڭدار!”.

قوعامدا ءارتۇرلى كوزقاراس قالىپتاستى. ءبىرى – يمامدى قولداسا, ەندى ءبىرى بايان الاگوزوۆانىڭ پىكىرىن ءسوز ەركىندىگى دەپ قابىلداۋدا.