«Maxi shaıǵa boıkot»: Imam «qazaqtar ıslamdy qabyldamaǵan» degen Baıan Alagózovaǵa qarsy shyqty

Tanymal prodıýser Baıan Alagózovanyń “Qazaqtar Islam dinin qabyldamaǵan” degen pikiri qoǵamda qyzý talqyǵa tústi, dep habarlaıdy Qandastar.kz  Skifnews.kz aqparat portalyna silteme jasap.

Bul sózderge alǵashqylardyń biri bolyp din ókili, ımam Danııar Kenjeuly qarsy pikir bildirdi. Ol prodıýserdiń kúıeýi Tursen Alagózovke tıesili “Maxi shaıynan” bas tartýǵa shaqyrdy.

“Bul — jaı ǵana qatelik emes, tutas ulttyń rýhanı tarıhyna jasalǵan aýyr soqqy. Qazaq – ejelden musylman halyq. Tarıhty joqqa shyǵarý — rýhty qorlaý. Eger júreginde ıman bolsa, mundaı sózderge qarsy ún qata bil. Maxi shaıdy ishpeýge shaqyramyn”, – dedi ımam.

Alaıda onyń bul úndeýi áleýmettik jelide jurtshylyqtyń túrli pikirin týdyrdy.

Keıbir qoldanýshylar ımamnyń áreketin ekijúzdilikke balap, bylaı dep jazdy:

“Qyz zorlaǵandar men áıel óltirgenderge nege boıkot joq?”, “Kásip ashyp, halyqqa kómektespeı jatyp, nege bir shaı úshin jurtqa boıkot jarııalaısyń?”, “Kedeılik, jemqorlyq, zorlyq-zombylyqqa úndemeısińder. Al bir pikir úshin urandatasyńdar!”.

Qoǵamda ártúrli kózqaras qalyptasty. Biri – ımamdy qoldasa, endi biri Baıan Alagózovanyń pikirin sóz erkindigi dep qabyldaýda.