«مازاق ەتىپ, ىزالاندىرعان»: بالانى تالاعان يتتەردىڭ يەسى ءوز نۇسقاسىن ايتتى

الماتى وبلىسىندا 10 جاسار بالاعا شابۋىل جاساعان يتتەردىڭ يەسى ءوز نۇسقاسىن ايتتى, دەپ حابارلايدى Qandastar.kz سايتى  Skifnews.kz اقپارات پورتالىنا سىلتەمە جاساپ.

وڭالتۋ ورتالىعىنىڭ ديرەكتورى, يتتەردىڭ يەسى الماز حاليەۆتى سوزىنشە, وقيعا بولعان كۇنى بالا يتتەردى ءوزى اشۋلاندىرعان.

«بالالار ورتالىقتىڭ قورشاۋىنىڭ جانىندا ويناپ جۇرگەن. ءبىر ۋاقىتتا قورشاۋعا كوتەرىلىپ, يتتەردى مازاق ەتىپ, ىزالاندىردى. اۋلادا بەس ايلىق ەكى كۇشىك بولدى. ۇلكەن يتتەر قورشاۋدا وتىردى. ەكى بالا يتتەردى اشۋلاندىردى. ءبىر كەزدە بالانى ەكىنشىسى كۇزەتىلەتىن اۋماققا يتەرىپ جىبەردى. بىزدە بالالاردىڭ اۋماققا بارا جاتقانى تۇسىرىلگەن ۆيدەو بار. سودان كەيىن ولار كوزگە كورىنبەي, تەك قانا داۋىسى شىعىپ جاتتى. بالا جەرگە قۇلاپ, ايقايلاي باستادى. ەكىنشىسى قاشىپ كەتتى. شاماسى, ول كومەككە ادام شاقىرعىسى كەلدى», – دەيدى حاليەۆ.

حاليەۆتىڭ ايتۋىنشا, بالاعا كۇشىكتەر شابۋىل جاساعان.

«بالا جابىق قاقپادان وتە الماي قالعان. ونى بالانى قۇتقارعان ادام اشتى. ول كىسى بالانى الىپ شىعۋ ءۇشىن ەسىكتى اشىپ, ىشكە كىردى. ەر ادام اۋماققا كىرىپ, ەكى كۇشىكتى سول جەردە پىشاقتاعان. جالپى, ولار دارمەنسىز كۇشىكتەر. ال ەر ادام بولسا ونى پىشاقتاپ تاستادى. ەندى ول كىسى وقيعانىڭ كۇزەتىلەتىن اۋماقتان تىس جەردە بولعانىن ايتىپ وتىر. يتتەر ەشقاشان اۋماقتان تىس جەردە جۇرگەن ەمەس. بۇل جاعداي سىرتتا ەمەس, ىشتە بولدى», – دەيدى ورتالىق ديرەكتورى.

ورتالىق ديرەكتورىنىڭ ايتۋىنشا, يتتەر مەكەمە اۋماعىندا تۇرادى جانە «بەلگىلى ءبىر دارەجەدە» قاۋىپسىزدىك قىزمەتىن اتقارادى. ول جانۋارلاردى ۇستاۋ ەرەجەلەرىن ساقتايتىنىن جانە قورشاۋدا بەس جىلدان بەرى «ابايلاڭىز, ز ۇلىم يتتەر» دەگەن بەلگى ءىلىنىپ تۇرعانىن جەتكىزدى.