Áleýmet jáne qoǵam
Majaǵulovtyń týysy onyń toqaly men nekesiz týǵan balasy baryn málimdedi
Foto: Dalanıýs
Astanadaǵy qylmystyq ister jónindegi mamandandyrylǵan aýdanaralyq sotta sybaılas jemqorlyq isi boıynsha sottalyp jatqan Astananyń mádenıet basqarmasynyń burynǵy basshysy Bolat Majaǵulovqa tek prokýror tarapynan ǵana emes, jaqyn týystarynan da aıyp taǵyldy. Majaǵulovtyń týysy Ulpan Begálına eks-sheneýnikke qatysty bylyqtyń betin ashty, dep habarlaıdy qandastar.kz Ulysmedia.kz-ke siltep.
Ulpan Begálına áleýmettik jelilerde jazba jarııalap, Majaǵulovtyń komandasy ony áleýmettik jelide “parasatty” adam retinde kórsetýge tyrysyp jatqanyn jáne onyń ótken ómirine qatysty jaman pikirlerdi óshirip tastap jatqanyn aıtty.
Begálınanyń sózinshe, mıllıard teńge jymqyrdy dep aıyptalyp otyrǵan burynǵy mádenıet basqarmasynyń basshysy 10 jyl boıy otbasynan nekesiz týǵan balalaryn jáne kóńildesin jasyrǵan. Boljam boıynsha, ol Astananyń dál ortasynda sol áıelge sulýlyq salonyn ashyp bergen.
– Jazbalaryńyzda siz, Bolat Baýyrjanuly, konstıtýııalyq quqyqtaryńyzdy saqtaý týraly aıtasyz. Ádildik úshin, onda ózińizdiń zańdy balalaryńyzdan ákesi men tolyq otbasynda ómir súrý quqyǵyn qalaı aıyrǵanyńyzdy aıtyp berińiz. Eger siz osy quqyqtan aıyryp, olarǵa moraldyq jáne jan jarasyn salsańyz, er azamat retinde jaýapkershilik arqalańyz. Qazir Bolat Baýyrjanuly ózin qoǵam aldynda adal, parasatty adam retinde kórsetkisi keledi. Biraq onyń zańdy otbasyna qatysty áreketteri múlde basqa nárseni ańǵartady, deıdi Begalına.
Eske salaıyq, eks-sheneýnik Bolat Majaǵulovtyń ustalǵany týraly Qarjylyq monıtorıng agenttigi málim etti. Astana qalasynyń «Mádenıet basqarmasy» MM-niń burynǵy basshysy men merdiger uıym ókilderine qatysty asa iri kólemde bıýdjet qarajatyn jymqyrý faktisi boıynsha Qarjylyq monıtorıng agenttigi sotqa deıingi tergeý amaldaryn júrgizdi.
2016 jyly Astana kúni merekesine oraı salynǵan «Kún» («Esil ózenindegi jaryq-ıllıýmınaııalyq jáne ot shoýy») sýbyrqaǵynyń qurylysy kezinde memlekettik satyp alý rásimderi júrgizilmeı tikeleı kelisimsharttar jasalǵan. Sýburqaq jobalyq qujattamasyz jáne memlekettik saraptamadan ótpeı salynǵan.
Qurylys barysynda tehnıkalyq sıpattamalarǵa sáıkes kelmeıtin sapasyz materıaldar qoldanylǵan. Nátıjesinde atalǵan nysan 2017 jyldan bastap jumys istemeı, qazirgi tańda apatty jaǵdaıda tur.
Urlanǵan qarajattyń kólemi 1 mlrd teńgeden asyp otyr.
Kúdikti, Astana qalasynyń «Mádenıet basqarmasy» MM-niń burynǵy basshysy Bolat Majaǵulov ustalyp, ýaqytsha ustaý ızolıatoryna qamaldy. Tergeý aıasynda onyń múlkine tyıym salyndy. Onyń ishinde 3 kommerııalyq nysan, 2 avtoturaq orny jáne Astana qalasyndaǵy premıým sanattaǵy páter.
Atalǵan is boıynsha kúdiktilerdiń múlkine jalpy somasy 572 mıllıon teńgeden astam somaǵa shekteý qoıyldy. QR QPK 201-babyna sáıkes, sotqa deıingi tergep-tekserý derekteri jarııa etýge jatpaıdy.
