«Májbúrli túrde áketýge quqyly»: Qorǵanys mınıstrligi áskerge shaqyrylýshylardy ustap áketý jaıttaryn túsindirdi

Vedomstvo ókilderi buqaralyq aqparat quraldary men áleýmettik jelilerde jastardy erkinen tys ustap alyp, jergilikti áskerı basqarý organdarǵa jetkizip jatqan beınematerıaldar tarap jatqanyn atap ótti,-dep habarlaıdy Qandastar.kz

Osyǵan baılanysty Qorǵanys mınıstrligi áskerı qyzmetke shaqyrýdyń qoldanystaǵy tártibin túsindirdi. «Shaqyrý naýqandary barysynda keıbir azamattardyń áskerı qyzmetten jaltaryp, jergilikti áskerı basqarý organdaryna ýaqtyly barmaý faktileri baıqalady. Sonymen qatar áskerge shaqyrý jasyndaǵy azamattardy esepke alýda da qıyndyqtar týyndaıdy.

О́ıtkeni olardyń kóbi tirkelgen jerinde turmaıdy, qonys aýdarǵan jaǵdaıda jańa turǵylyqty mekenjaıyna tirkelmeıdi.

Qoldanystaǵy zańnamaǵa sáıkes shaqyrý qaǵazyn áskerge shaqyrylýshynyń jeke ózine tapsyrý múmkin bolmaǵan kezde onyń kelýin qamtamasyz etý ishki ister organdaryna júkteledi. Reıd kezinde keıbir azamattar ishki ister organdary qyzmetkerleriniń zańdy talaptaryna baǵynbaı, qarsylyq kórsetip jatady. Mundaı jaǵdaıda polıııa qyzmetkerleri olardy májbúrli túrde ustap, shaqyrý pýnktine jetkizýge quqyly», – delingen vedomstvo habarlamasynda.