ءماجىلىس  بيۋدجەت كودەكسىن قابىلداپ, سەناتقا جىبەردى

ءماجىلىس  بيۋدجەت كودەكسىن قابىلداپ, سەناتقا جىبەردى, دەپ جازدى qandastar.kz

ءماجىلىس سپيكەرى ەرلان قوشانوۆتىڭ سوزىنشە, ەندى ۇلتتىق قور قاراجاتى تەك وندىرىسكە نەمەسە ەلدىمەكەندەردىڭ ومىرلىك ماڭىزى بار ينفراقۇرىلىمىنا جۇمسالادى. رەسپۋبليكالىق بيۋدجەتكە ەنگىزىلەتىن بارلىق تۇزەتۋ تۋرالى پارلامەنتكە حابارلاناتىن بولادى. بۇدان بولەك كۆازيمەملەكەتتىك سەكتور سۋبەكتىلەرى قىزمەتىنە دەپۋتاتتاردىڭ باقىلاۋى كۇشەيەدى.

بيۋدجەت كودەكسى بولجامداۋ ساپاسىن ارتتىرۋعا جانە بيۋدجەتتىڭ كىرىستەرىن ۇلعايتۋعا باعىتتالعان. قۇجاتتا ەكونوميكا سالالارىنىڭ تۇسىمدەر كولەمىنە اسەرىن تالداۋدى رەتتەيتىن نورمالار قابىلداندى. جاڭا زاڭناما قاراجاتتى يگەرۋگە ەمەس, ەكونوميكا مەن وزگە دە سالالاردا ناقتى ناتيجەلەرگە قول جەتكىزۋگە باعىتتالادى دەپ كۇتىلىپ وتىر.

مەملەكەتتىك ورگانداردىڭ كىرىستەردى جوسپارلاۋ جانە اكىمشىلەندىرۋ بويىنشا وكىلەتتىكتەرى ءبىر ىزگە ءتۇستى.

وڭىرلىك بيۋدجەتتەردىڭ كىرىستەرىنىڭ اسىرا ورىندالعان سومالارى ەڭ اۋەلى قارىز بويىنشا مىندەتتەمەلەردى وتەۋگە جانە نەگىزگى شىعىنداردى قارجىلاندىرۋعا باعىتتالماق.