Májilis  Bıýdjet kodeksin qabyldap, Senatqa jiberdi

Májilis  Bıýdjet kodeksin qabyldap, Senatqa jiberdi, dep jazdy qandastar.kz

Májilis spıkeri Erlan Qoshanovtyń sózinshe, endi Ulttyq qor qarajaty tek óndiriske nemese eldimekenderdiń ómirlik mańyzy bar ınfraqurylymyna jumsalady. Respýblıkalyq bıýdjetke engiziletin barlyq túzetý týraly Parlamentke habarlanatyn bolady. Budan bólek kvazımemlekettik sektor sýbektileri qyzmetine depýtattardyń baqylaýy kúsheıedi.

Bıýdjet kodeksi boljamdaý sapasyn arttyrýǵa jáne bıýdjettiń kiristerin ulǵaıtýǵa baǵyttalǵan. Qujatta ekonomıka salalarynyń túsimder kólemine áserin taldaýdy retteıtin normalar qabyldandy. Jańa zańnama qarajatty ıgerýge emes, ekonomıka men ózge de salalarda naqty nátıjelerge qol jetkizýge baǵyttalady dep kútilip otyr.

Memlekettik organdardyń kiristerdi josparlaý jáne ákimshilendirý boıynsha ókilettikteri bir izge tústi.

О́ńirlik bıýdjetterdiń kiristeriniń asyra oryndalǵan somalary eń áýeli qaryz boıynsha mindettemelerdi óteýge jáne negizgi shyǵyndardy qarjylandyrýǵa baǵyttalmaq.