Májilis depýtaty Ábıba Ábýjaqynovaǵa kólik syılady

Foto: ashyq derekkóz

Májilis depýtaty Aıdarbek Qojanazarov Parıjde ótip jatqan Olımpıada oıyndarynda júlde ala almaǵan dzıýdoshy Ábıba Ábýjaqynovaǵa kólik mingizdi.

Buǵan deıin ol dzıýdoshyǵa óz atynan syıaqy beretini týraly Instagram-daǵy paraqshasynda jazǵan bolatyn.

«Túnimen dóńbekship uıyqtaı almadym. Oǵan sebep – Ábıba qaryndasymnyń kóz jasy. Bul namystyń kóz jasy. Bul tektiliktiń belgisi. Bul úlken tárbıeniń úlgisi! Qysqasy, Ábıba qyzymyzǵa óz atymnan arnaıy syıaqy beremin. Parıjde Qazaqstannyń abyroıyn qorǵaımyn dep baryn saldy. Jaraqat alsa da qaıtqan joq. Osyndaı eńbekti baǵalaý kerek. Osyndaı patrıottyqty nasıhattaý kerek! Qanekı, jalǵastyraıyq, Qazaqtyń Jigitteri!», – dep jazdy depýtat.