Jańalyqtar
Balabaqsha men balalar úıin kez kelgen ýaqytta tekserý quqyǵyn berý kerek – Ashat Aımaǵambetov
Májilis depýtaty, Áleýmettik-mádenı damý komıtetiniń tóraǵasy Ashat Aımaǵambetov eńbek qatynastary týraly jańa zań jobasyna depýtattar qandaı usynys engizgenin aıtyp berdi.
«Qazir Májiliste birneshe mańyzdy zań jobalary qarastyrylýda. Búgin ǵana eńbek qatynastary týraly jańa zań jobasyn qarastyrýdy bastadyq. Máselen, onda eńbek ınspekııalarynyń quziretin keńeıtý máseleleri boıynsha arnaıy normalar bar. Qazir kórip otyrmyz, eńbek qaýipsizdigi boıynsha eńbek ınspekııalarynyń quzireti jetkiliksiz. Muny ótken jyly Qaraǵandydaǵy shahta apaty da rastady. Apatqa deıin shahtany qanshama eńbek ınspekııasy teksergen, biraq esh nátıje bolmaǵan. Sol sebepti, birinshiden, eńbek ınspekııalaryn mınıstrlikke tikeleı baǵyndyrý qajet dep oılaımyz jáne olarǵa naqty quziret berý kerek», — dedi A. Aımaǵambetov Qazmedıa ortalyǵynda Eńbek mınıstrliginiń alqa otyrysynda.
Onyń aıtýynsha, eńbek ınspekııalary óte úlken problemalardy anyqtasa da, eskertý berýmen shekteledi, aıyppul da salmaıdy. Sondyqtan depýtattar tıisti mekemelerge eskertý emes, aıyppul nemese basqa da shara qoldaný kerek dep sanaıdy.
«Taǵy bir mańyzdy másele – medıınalyq-áleýmettik mekemelerdegi qaýipsizdik. Taǵy da Qaraǵandyda byltyr balalar qaıtys bolǵanyn bilemiz. Munda da birneshe jańa tetikterdi qarastyrdyq. Sonyń ishinde bolashaqta medıınalyq-áleýmettik mekemelerdi lıenzııalaý arqyly ashý jáne olardyń basshylaryn bir orynda 10-15 jyl otyrǵyzbaı, jıi rotaııalaý mańyzdy dep sanaımyz. Medıınalyq-áleýmettik mekeme, balabaqsha, balalar úıi sekildi uıymdardy aıaq astynan tekserý quqyǵyn berý qajet dep sanaımyz. Qazir tekserý týraly aqparat bir jyl buryn jiberiledi, árıne olar daıyndalyp otyrady. Biraq jabyq uıym bolǵasyn balalar nemese múgedektigi bar jandar óz quqyǵyn tolyq qorǵaı almaıdy. Memleket bul jerde baqylaýyn jiberip almaý kerek. Sondyqtan osy túzetýdi engizip otyrmyz», — dep túsindirdi A. Aımaǵambetov.
