جاڭالىقتار
ءماجىلىس دەپۋتاتى بەنزين تاپشىلىعىن سىنادى
فوتو: اشىق دەرەككوز
جەتى جىل ىشىندە ەلىمىزگە 6 ملن توننادان استام مۇناي ونىمدەرى يمپورتتالدى. بۇل تۋرالى ءماجىلىس دەپۋتاتى ەدىل جاڭبىرشين ايتتى, دەپ جازدى qandastar.kz
«مۇناي وڭدەۋ قۋاتىن ۇلعايتۋ جانە مۇناي ونىمدەرىنىڭ ساپاسىن ارتتىرۋ ماقساتىندا ءۇش مۇناي وڭدەۋ زاۋىتىن جوندەۋگە جانە جاڭعىرتۋعا 2 ترلن تەڭگە جۇمسالدى. بۇل رەتتە مۇناي مەن گاز كوندەنساتىن وڭدەۋدىڭ جىل سايىنعى كولەمى 18 ملن توننادان اسپايدى. ەلىمىزدەگى ىشكى نارىققا قاجەتتى مۇناي ونىمدەرىن جەتكىزۋدى تەك وتاندىق مۇناي ءوندىرۋ كومپانيالارى قامتاماسىز ەتىپ وتىر. جوعارىدا ايتقانىمىزداي, ولاردىڭ مۇناي ءوندىرۋ كولەمى ازايىپ جاتىر. سونىمەن قاتار, بىزدە جىل سايىن مۇناي ونىمدەرىنىڭ تاپشىلىعى بايقالادى, ول يمپورت ەسەبىنەن جابىلادى. مۇنايدىڭ ۇستىندە وتىرعان مەملەكەت ءۇشىن بۇل نونسەنس», – دەدى ەدىل جاڭبىرشين.
سونىمەن قاتار ول 7 جىل ىشىندە ەلىمىزگە 6 ملن توننادان استام مۇناي ونىمدەرى يمپورتتالعانىن العا تارتتى.
