Májilis depýtaty benzın tapshylyǵyn synady

Foto: ashyq derekkóz

Jeti jyl ishinde elimizge 6 mln tonnadan astam munaı ónimderi ımporttaldy. Bul týraly Májilis depýtaty Edil Jańbyrshın aıtty, dep jazdy qandastar.kz

«Munaı óńdeý qýatyn ulǵaıtý jáne munaı ónimderiniń sapasyn arttyrý maqsatynda úsh munaı óńdeý zaýytyn jóndeýge jáne jańǵyrtýǵa 2 trln teńge jumsaldy. Bul rette munaı men gaz kondensatyn óńdeýdiń jyl saıynǵy kólemi 18 mln tonnadan aspaıdy. Elimizdegi ishki naryqqa qajetti munaı ónimderin jetkizýdi tek otandyq munaı óndirý kompanııalary qamtamasyz etip otyr. Joǵaryda aıtqanymyzdaı, olardyń munaı óndirý kólemi azaıyp jatyr. Sonymen qatar, bizde jyl saıyn munaı ónimderiniń tapshylyǵy baıqalady, ol ımport esebinen jabylady. Munaıdyń ústinde otyrǵan memleket úshin bul nonsens», – dedi Edil Jańbyrshın.

Sonymen qatar ol 7 jyl ishinde elimizge 6 mln tonnadan astam munaı ónimderi ımporttalǵanyn alǵa tartty.