جاڭالىقتار
ءماجىلىس دەپۋتاتى ەرمۇرات باپي كيەۆتە قاستاندىق جاسالعان قازاقستاندىق جۋرناليست ايدوس سادىقوۆ جايلى پىكىرىن ايتتى
ايتا كەتسەك, كەشە كيەۆتە قازاقستاندىق جۋرناليست ايدوس سادىقوۆقا وق اتىلعان بولاتىن ,-دەپ حابارلايدى Qandastar.kz
وقيعا تۋرالى ۋكراينا ۇلتتىق پوليتسياسىنىڭ ءباسپاسوز قىزمەتى حابارلاعان. ولاردىڭ ايتۋىنشا, كيەۆ پوليتسياسىنىڭ 102 نومىرىنە ۆ. يارمولا كوشەسىندە (شەۆچەنكو اۋدانى) اتىس ەستىلگەنى تۋرالى حابارلاما تۇسكەن. ءتارتىپ ساقشىلارى كوشەدە توقتاپ تۇرعان كولىككە بەلگىسىز بىرەۋدىڭ جاقىنداپ كەلىپ, وق جاۋدىرعانىن, سودان كەيىن ونىڭ قاشىپ كەتكەنىن انىقتاعان.
كولىكتە قازاقستاندىق جۋرناليست پەن ايەلى وتىرعان. ايەلدىڭ زارداپ شەكپەگەنى ايتىلادى.
ۋكراينا باس پروكۋراتۋراسى اۋرۋحانادا جاتقان بەلسەندىنىڭ جاعدايى اۋىر ەكەندىگىن مالىمدەدى.
