ءماجىلىس دەپۋتاتى: مىندەتتى اسكەري قىزمەتتى جويۋدى قولدايتىندار – حالىقتىڭ جاۋى

فوتو: kazvedomosti.kz

ءماجىلىس دەپۋتاتى اسحات راحىمجانوۆ مىندەتتى اسكەري قىزمەتتىڭ كۇشىن جويۋدى قولدايتىنداردى حالىق جاۋىنا تەڭەدى,  – دەپ جازادى qandastar.kz

دەپۋتاتتىڭ ايتۋىنشا,  اسكەر مەن قوعامنىڭ اراسىنا جىك سالۋ قاۋىپتى قۇبىلىس بولماق. سەبەبى قازاقستان ستراتەگيالىق ماڭىزدى وڭىردە, رەسەي مەن قىتاي سياقتى ءىرى جانە ىقپالدى مەملەكەتتەردىڭ جانىندا ورنالاسقان. مىندەتتى اسكەري قىزمەت قارۋلى كۇشتەردىڭ دايىندىق دەڭگەيىن ۇستاپ تۇرۋعا مۇمكىندىك بەرەدى, بۇل ەلدىڭ ەگەمەندىگىن قورعاۋ ءۇشىن ماڭىزدى.

الايدا بۇل پىكىرگە حالىقارالىق جانە اسكەري قاۋىپسىزدىك ساراپشىسى ەمين دجابباروۆ تۇبەگەيلى قارسى. ول جۇيەنى تولىقتاي رەفورمالاۋدى قاجەت سانايدى.

«قازاقستاندا ءۇش اسكەري ينستيتۋتقا توقتام سالۋ قاجەت جانە ۇلىبريتانيا مەن پاكىستانداعىداي جوعارى ءبىلىم بازاسىندا اسكەري قىزمەت اتقارۋعا جاعداي جاساعان دۇرىس. بۇل – حالىقارالىق ءتيىمدى تاجىريبە», – دەدى ساراپشى.

ەسكە سالايىق, ەلىمىزدە جاستاردى اسكەرگە مىندەتتەپ اكەتۋگە قارسى پەتيتسيا جاريالاندى. پەتيتسيا اۆتورلارىنىڭ شاعىمى شاش ەتەكتەن. «ارمياداعى جازاتايىم وقيعالار ءالسىز جۇيەنىڭ سالدارى, مەديتسينالىق باقىلاۋ مەن قاۋىپسىزدىك ماسەلەسى دە اقساپ تۇر» دەيدى اۆتورلار.

پەتيتسيا 21 قىركۇيەككە دەيىن تالقىلانباق. ەگەر ول 50 مىڭ قول جيناسا, قورعانىس مينيسترلىگى ءوتىنىشتى قاراۋعا مىندەتتى. قازىردىڭ وزىندە پەتيتسيا 35000 قارالىم جيناپ تۇر. پەتيتسيا سىلتەمەسى وسىندا