ءماجىلىس دەپۋتاتى مينيسترلىكتەردى قىسقارتىپ, ەكى-ءۇش مينيسترلىكتەن بىرىكتىرۋدى ۇسىندى

فوتو: t.me/mazhilis_kz

ءماجىلىس دەپۋتاتى باقىتجان بازاربەك مەملەكەتتىك ورگانداردىڭ جۇمىسىنا جاساندى ينتەللەكتىنى ەنگىزۋ قاجەت ەكەنىن ايتتى. ونىڭ ايتۋىنشا, بۇل قىزمەتكەرلەر سانىن جانە مينيسترلىكتەردى قىسقارتۋعا مۇمكىندىك بەرەدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

دەپۋتاتتىڭ ايتۋىنشا, مەملەكەتتىك شىعىستاردى قىسقارتپاعان جاعدايدا, قارىز قىسپاققا الا باستايدى.

ء«بىز مەملەكەتتىك قىزمەتتى تسيفرلاندىرۋ اياسىندا 2026 جىلدان باستاپ بىرتىندەپ تولىعىمەن مەملەكەتتىك اپپاراتتى قىسقارتۋىمىز كەرەك. ودان ۇكىمەت تە, بارلىعى قورقادى. 2026 جىلدان باستاپ مەملەكەتتىڭ شىعىستارىن قىسقارتپاساق, باستان اساتىن قارىز ءبىزدى قىسىپ وتىرادى», – دەپ مالىمدەدى باقىتجان بازاربەك ءماجىلىس كۋلۋارىندا.

ونىڭ پىكىرىنشە, قارىزدى ازايتۋ ماسەلەسىن كەيبىر كومپانيالاردىڭ اكىمشىلىك اپپاراتتارىن جانە مينيسترلىكتەردى ءبىر-بىرىنە قوسۋ ارقىلى قىسقارتۋ جولىمەن شەشۋگە بولادى.

«بىرتىندەپ «سامۇرىق-قازىنا» ءال-اۋقات قورى, «بايتەرەك» ۇلتتىق كومپانيالارىنىڭ اكىمشىلىك اپپاراتىن قىسقارتۋىمىز كەرەك. مينيسترلىكتەردى قىسقارتىپ, 2-3 مينيسترلىكتەن بىرىكتىرۋىمىز كەرەك. حالىق سانى از قازاقستان رەسپۋبليكاسىنا وسىنشاما مينيسترلىك قاجەت ەمەس. مىسالى, سۋ مينيسترلىگى مەن ەكولوگيا مينيسترلىگىن, قارجى مينيسترلىگى مەن ۇلتتىق ەكونوميكا مينيسترلىگىن, يندۋستريا مينيسترلىگى مەن ونەركاسىپ جانە قۇرىلىس مينيسترلىگىن قوسا سالۋعا بولادى. ءار ءمينيستردىڭ كەمىندە 5-6 ورىنباسارى بار. ول ورىنباسارلاردىڭ تورتەۋىن قىسقارتىپ, ەكى ورىنباساردى عانا قالدىرۋ كەرەك. باسقاشا ايتقاندا, شىعىنداردى ازايتۋىمىز كەرەك», – دەيدى دەپۋتات.