Májilis maquldaǵan zań jobasy balalarǵa 6 mıllıon teńge shamasynda birjolǵy tólem berýdi qarastyrady

Foto: parlam.kz

Májilis keıbir zańnamalyq aktilerge mádenıet jáne bilim berý máseleleri boıynsha engiziletin ózgerister men tolyqtyrýlardy birinshi oqylymda maquldady. Zań jobasyna depýtattar bastamashy boldy, — dep habarlaıdy qandastar.kz  Májiliske silteme jasap.

Aikyn.kz jazǵandaı,  Zań jobasy aıasynda halyqaralyq ǵylymı jobalar konkýrstarynyń jeńimpazdary men júldegerlerine, olardy daıyndaǵan pedagogterge birjolǵy tólem qarastyrylady. Buryn mundaı tólemderdi tek halyqaralyq pándik olımpıadalardyń jeńimpazdary ǵana alatyn. Bul norma daryndy balalar men olardyń muǵalimderin qoldaýǵa baǵyttalǵan.

Onyń qajettiligi jaıly Prezıdent Qasym-Jomart Toqaev 2024 jylǵy qazanda máslıhat depýtattarynyń forýmynda aıtqan bolatyn. Osy sanattaǵy oqýshylarǵa tólenetin eń joǵary tólem 1500 AEK nemese 6 mıllıon teńge shamasynda bolýy múmkin, — delingen Májilistiń habarlamasynda.
Sonymen qatar túzetýlerde mektep jasyndaǵy balalarǵa mádenı is-sharalarǵa qatysý úshin beriletin «Aqylman kartasy» jobasyn engizý qarastyrylǵan. Mektep jasyndaǵy balalarǵa abonement jergilikti ókildi organdardyń sheshimimen beriledi, — deıdi resmı aqparat kózi.